Beliebte Verse in Romanos 3

Llapallankum huchallikurunku, Diospa kanchariq qayllanmantam qarqosqa kachkanku. Diosmi ichaqa kuyapayakuyninpi mana imallapaq, Cristo Jesús rantinchikpi wañusqanrayku mana huchayuqtaña ruwaykuwanchik.

Jesucristoman iñikuptillanchikmi Diosqa llapa runakunata mana huchayuqtaña ruwawanchik. Manam imananchu pim kasqanchikpas.

Diosmi ñawpaq huchanchikkunata pampachawananchikpaq Jesucristota churarqa, wañuspa yawarnin chaqchusqanwan salvasqa kananchikpaq, chaytaqa iñiyllawanmi haypanchik. Chaynatam Diosqa pacienciayuq kasqanta qawachiwanchik. Kunanmi ichaqa huchanchikkunata pampachawaspanchik haykam Jesusman iñikuqkunata mana huchayuqpaqña Dios chaskiwanchik. Chaynapim justo kasqanta qawachiwanchik.

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Chuya Qellqapim kaynata nin: Manam hukllapas allin ruwaqqa kanchu, manam pipas yachayniyuqqa kanchu, manataqmi pipas Diostaqa maskanchu. Llapallankum pantay ñanta pasakunku, llapallankum mana allinman wichiykunku, manam pipas allin ruwaqqa kanchu, manam hukllapas kanchu.

Chaynapim yachanchik, runakunaqa iñiyllawan mana huchayuqpaqña Diospa chaskisqan kasqanta. Chayqa manam leyta kasukusqanraykuchu.

Manam, llapallan runakunaña llulla kachkaptinkupas aswanraqmi Diosqa cheqap kaqwan imatapas ruwan. Chuya Qellqapim kaynata nin: “Cheqap rimaq kasqaykitam reqsichikunki, chaynapim juzgasqa kaspaykipas vencenkipuni”, nispa.