Beliebte Verse in Ex 7

Teilen

Toja' naq li Qaawa' kixye re laj Moisés: “K'e reetal, xatinxaqab' cho'q wuuchil chiru laj Parahón. Ut laj Aharón laawas taa'aatinaq sa' aak'ab'a'.

Ab'an laa'in tinkawub'resi xch'ool laj Parahón; us ta naab'al li xninqal ru eetalil ut li sachb'ach'oolej tinb'aanu sa' xteepal Ejiipt, laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb': ke'xkut li xxuq' chixjunqaleb' ut ke'kanaak chi k'anti'il. Ab'anan li xxuq' laj Aharón kixnuq' li xxuq'eb' laj q'e.

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

“Naq laj Parahón tixye eere: «B'aanuhomaq junaq sachb'ach'oolej», taaye re laj Aharón: «Chap laaxuq' ut kut chiru laj Parahón, ut a'an taakanaaq chi k'anti'il»”. Ke'wulak b'i' laj Moisés ut laj Aharón rik'in laj Parahón ut ke'xb'aanu li ke'taqlaak wi' xb'aan li Qaawa': laj Aharón kixkut li xxuq' chiru laj Parahón ut chiruheb' laj tenq' re, ut a'an kisutq'iik chi k'anti'il.