Beliebte Verse in Njé gə́ Epesə 5

Teilen

Telje rɔ sí ndajije ne kəm Ala raje to gə́ ŋganeeje gə́ yeḛ unda dee dan kəmee’g. Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Bèe ndá undaje kəmkàr dɔ panjaa sí’g, njaaje asəna gə njékəmkàrje ɓó asəna gə mbəje el. Ɔsje rɔ sí ɓad mbata mee ndɔje neelé loo a ndɔji keneŋ pɔdɔdɔ.

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal. Pakɔsje ləm, gə pa kula rɔnduba dɔ Ala’g ləma, pa gə wɔji dɔ né gə́ ka̰ ndil lé ləm tɔ lé yee ɓa ɔsje pea gədje ne na̰ ləm, ɔsje ne gaji Mbaidɔmbaije, ilaje ne riɓar dəa’g gə meḛ sí bura ləm tɔ. Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

Gelee gə́ nee ɓa maji kar kəmkàr lal sí el, nɛ né gə́ mee Mbaidɔmbaije ndigi lé maji kar sí gərje rəbee.

Diŋgamje, undaje denéje lə sí dan kəm sí’g, to gə́ Kristi kara unda ne Eglisə dan kəmee’g, ila ne rəa da gə mbata ləa bèe tɔ.

Kédé lé seḭ toje gə́ ka̰ loondul, nɛ ɓasinè seḭ ɔmje na̰’d gə Mbaidɔmbaije toje ne ka̰ lookàr ya. Bèe ndá njaaje asəna gə ŋgan lookàrje.

Tədjekag na̰ ɓəlje ne Kristi.

Denéje, tədjekag ŋgaw síje to gə́ seḭ tədje ne kag Mbaidɔmbaije bèe tɔ

Togə́bè ɓa, maji kar nana kara mbuna sí’g unda dené ləa dan kəmee’g to gə́ yeḛ ra ne gə darəa-yeḛ nja bèe ləm, dené kara maji karee tədkag ŋgabeeje tɔ.

Gelee gə́ nee ɓa, diŋgam a kya̰ bɔbeeje gə kea̰je ndá deḛ gə dené ləa d’a kɔm na̰’d yəg kar deḛ joo bɔr d’a tel to ne darɔ gə́ kára ba.

Kula ra ŋgan loondulje lé to kula gə́ dəa ɔs bo̰-bo̰, bèe ndá tɔje kée gə́ raga ɓó ɔmje na̰’d sə dee keneŋ yəg el.