Beliebte Verse in 2 Njé gə́ Kɔrḭtə 9

Teilen

Ala askəm kar nékiŋga gə́ ria-ria taa rɔ sí pəl-pəl, mba kar sí sije gə né gə́ lal sí ləm, gə mba kar gesee gə́ nai rɔ sí’g pajag-pajag lé a kwaje ne noji gə lée-lée

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Yeḛ gə́ njekun kó né kar njedubee ləm, aree nésəa ləm tɔ lé yeḛ nja a kar sí né gə́ seḭ awje ndée ləm, a kar kó né lə sí ɔs dɔ maree-maree ləma, yeḛ a kar kandə meekarabasur lə sí lé ḭ dɔ maree’g maree’g ləm tɔ. Togə́bè ɓa nénoji gə́ seḭ a kwaje pə-pə gə rəw gə́ rɔ síjeḛ lé a tel to nébaoje ɓəd-ɓəd dɔ sí’g ləm, a kar dee ra ne Ala oiyo ləm tɔ.

Maji ra Ala lé oiyo mbata nénoji ləa gə́ maji dum gə́ yeḛ ar sí lé tɔ.