Beliebte Verse in MACIU 19

Teilen

A sa vakaraici ira ko Jisu, ka kaya, vei ira, Oqo sa dredre sara vei ira na tamata; ia sa rawarawa vua na Kalou na ka kecega.

O koya oqo erau sa sega kina ni lewe rua tiko, erau sa lewe dua ga: ia na ka sa vauca vata na Kalou, me kakua ni tawasea rua na tamata.

A sa vosa ko koya, ka kaya vei ira, Dou a sega beka ni wilika, ko koya sa buli rau e nai vakatekivu sa bulia ga na tagane kei na yalewa, a sa kaya, E na vuku ni ka oqo ena biuti tamana kei na tinana na tagane, ka kabita na watina: a rau na lewe dua?

A sa kaya ko Jisu, Laivi ira na gone lalai, ka kakua ni tarovi ira, ni ra sa lako mai vei au; ni sa vakataki ira na lewe ni matanitu vakalomalagi.

Ia era lewe vuqa sa liu era na muri; kei ira talega sa muri era na liu.

Ia ko koya yadua sa biuta na vale, se na veitacini, se na ganena, se na tamana, se na tinana, se na luvena, se na vanua, e na vuku ni yacaqu, ena yadrau ena rawata; ena taukena talega na bula tawa mudu.

Sa kaya vua ko Jisu, Kevaka ko sa vinakata mo vinaka sara, mo lako, mo volitaka na nomui yau, ka solia vei ira sa dravudravua, ko na qai vakaiyau mai lomalagi: ia mo lako mai, mo muri au.

A sa kaya vua ko koya, A cava ko sa tarogi au kina e na vuku ni ka vinaka? Sa duabau ga sa vinaka; ia kevaka ko sa via curu ki na bula, mo muria na vunau.

ia kau sa kaya tale vei kemudou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou.

Ia kau sa kaya vei kemudou, O koya ena biuta tani na watina, ke sa sega ni dautagane, ka laki vakawati kei na dua tani, sa dauyalewa; ko koya talega erau laki veiwatini kaya sa biu, sa dauyalewa.

Sa qai kaya vei ira na nona tisaipeli ko Jisu, Au sa kaya vakaidina vei kemudou, Ena dredre vua na tamata vutuniyau me curu ki na matanitu vakalomalagi