Beliebte Verse in Ro 5

Teilen

Palta tx'oxnak Dios camc'ulal ayon, yujtol a Cristo max yak' cam ba juj yet caw wal yobtakwom onto.

Maj el co q'uixwil yet chi jaon oc Cham yipok co c'ul, yujtol tz'akaki max yut yak'on Cham is camc'ulal yin janimail yet max yak'on Cham Espíritu Santo ayon.

Man asannejok yuj tu' xan chon tzaloji, palta tzalojokonek c'apax yet chi jaben yail yuj. Yujtol jojtak, tol a juntzan yailal tu', a chi texac'al ak'on co tec'anil. Yuj co tec'anil tu' xan chi tzaloj Dios jetok. Yuj tu', chi je' jaon oc Cham yipok co c'ul.

A tinani', toxa mayal yal Dios, tol watx' on yul sat, yujtol chi jaoc co c'ul yin. Yuj tu', junc'ulalxa ayon yetok, yujc'al Cham Jajawil Jesucristo. Yuj Cristo xan ay jalon jet co chaon watx'c'ulalil Dios, yujtol chi jaoc co c'ul yin. Yuj tu', xiwil is watx'c'ulalil chi tx'ox ayon tinani'. Caw wal chon tzaloji, yujtol chi jaoc yipok co c'ul, tol ay jalon jet yin is watx'ilal Cham.

Maj je' juj yul jet jak'on tzalojbok c'ul Dios, axa yet max ajapnok tiempoal xin, max cam Cristo juj, ayon c'am Dios yul co sat ti'.

Axa tinani', watx' onxa yul sat, yujtol jujc'al max cam Cristo. Yuj tu' xan ok on colchaj el bay jun miman yailal tolto ok jay yuj yowal c'ul Dios.

Yuj wal tenomtakil jun winak maj iken tu', xan ocnak on can yin yobtakwomal co masanil. Palta ay pax jun mac max ikeni. Yuj yikemal jun tu', xan xiwil on chon oc watx'il yul sat Dios.

Man asannejok yuj juntzan ti' chon tzaloji, palta caw chon tzaloj c'apax yin Dios yuj Cham Jajawil Jesucristo. Yujtol yuj Cham xan watx'xa jak'on yetok Dios tinani'.