Beliebte Verse in Hch 20

Teilen

Max in tx'ox ayex, tol yowalil chi jilc'al co mulnajil, yet watx' chi je' co colwaj bay eb chi cawxi elok. Yowalil chi co natek tzet yalnak Cham Jajawil Jesús junel axca ti': Watx' yet eb chi saoni, yintak eb chi chaon sabalej tu', ẍi Cham, ẍi Pablo bay eb anciano tu'.

Palta c'am chin oc il yuj juntzan tu'. Caxc'al chin cam yuj, palta c'am yelapnok jun camich tu' yul in sat. Asantanej wal chi wak' lajwok jun in mulnajil mitx'bil oc ti' yin tzalojc'ulal, cax chi lajwi wopiso yak'nak Cham Jajawil Jesús ayin, jun opiso yin aloj el k'anejal yet colbanilej yuj is watx'c'ulal Dios.

Yuj tu xin, taynejekc'al e ba, cax che taynen eb creyente masanil, yujtol ak'bil e yopiso yuj Cham Espíritu Santo e yilon yiglesia Cham Jajawil, eb max man yetok is chiq'uil yet max cam jujc'al.

A tinani xin, ex wuẍtak, chex wabenejcan oc yul k'ab Dios. A ok ex taynen yetok is k'anej. A is k'anej tu', caw wal max tx'ox watx'c'ulalil ayon; ay yipalil is k'anej tu' yak'on co tec'anil, c'al yak'on co satak, yujtol ayxa jalon jet yetok eb sic'bilxa el yuj.