Beliebte Verse in Matayo 28

Teilen

Doŋ ba, wot ilok wunu jo ducu odok jo a luba; ibatijagi wunu i nyiŋ Apap, kede Wod, kede Cuny Acil, kun ipwonyogi wunu mako gin ducu a rik acikowu. Nen ba, atye kedwu kare luŋ, ituno i agikki piny.”

Yecu te bino baŋgi, te kop kedgi kun kobo ni, “Twer luŋ aluŋa i wi podo kede i lobo doŋ omio baŋa oko.

Amalaika te juko mon, ni, “Kur ilwor wunu; pien aŋeo ni iyenyo wunu Yecu a yam oguro i kom yat. En mom tye kan, pien ocer oko acalo rik okobo. Biye inen wunu ka buto mere.

Yecu te kobbigi ni, “Kur ilwor wunu; wot wunu, ititti wunu omegona ni gin owot i Galilaya, gin bino nena kuno.”

Eka gin te cokere karacel kede odoŋe, oporo kop, ote miyo lim abup baŋ ocirikale, ote cikogi ni, “Kobbi wunu jo ni, ‘Jo mere a lube obino dyewor, ote kwale oko ame wan onino.’ Ka kop-pi bino winyere baŋ aloc, wan obino bibito en, me cannoro kur pot i komwu.” Gin te gamo gigi lim, ote timo kite acalo opwonyogi kede; omio kop man olal i akina Ojudaya, winyere naka tin.