Beliebte Verse in संत.लुकास 6

Teilen

एमा कुआपे होले, आपे केहोः परमेसर एमा केपे आय। परमेसर पुरा सोसोङ रे जनताव-जनताव हेतरअ हिलाव-हिलाव केते तेकर पेरेःग केते, गिड़ी याःते आंजली रे पुरा सोङ-उकेपेआकु। एतान लःअय ची जे नाप रे एटाअकु के सोङओ कुआपे हिना नाप रे आपे लःअय होः सोङ-उकेपेआय।”

बेस होड़ अपन मन तरअः बेस बात ऊड़ुङेआय तेकर गादुस होड़ अपन मन तरअः गादुस बात ऊड़ुङेआय; एता लःअय ची जे विचार भीतरी रे ताहिनोआँ, हिना गी आहा तरअः बाहरी ऊड़ुङोआ।

बकिर अपन बैरीकु लोः होः दुलार से ताहिन पे तेकर भलाई कुपे। रूरुवाड़ रेनअः आसरा आलु दोहो केते रींड़ एमा कुपे, होले आपे बड़े ईनाम पे नाम केआ; तेकर आपे परम परधान आलकु होपोन पाड़ी कोआपे। एतान लःअय ची जे हुनी के धन्यवाद काय एमाईया आउर बु-बुराई कु तेङ रे होः हुनी माया कुआय।

आपे आली आपा जाईसन माया रे पेरेःग उनी एदानिया हेंकान गी आपे होः माया रे पेरेःग उनी पड़ीयोः पे।

“ओके के होः हुनी बेस कनियाँ, नोकानाय मेन केते आलपे न्याय के; जेकर से ची परमेसर होः आपे आला न्याय एरेया, ओके के होः दोस आलपे लगाव के; होले आपे के होः परमेसर दोसी एरे ठहराव पेआ, छमा यापे होले आपे के होओ परमेसर छमा केपेआय।

“बकिर ईङ आपे आ-आयुमकु के बेताः दिपीईङ, ची बैरी तापे कु के दुलार कुपे, जे आपे के घिंड़ोः पेआकु हुंकू के बेसोः कुपे, जे आपे के सरपाव पेआकु हुंकू के आसीस एमा कुपे, जे आपे केकु माया पेआकु हुंकू लःअय बिनती पे।

तेकर आपे होड़कु तरअः जाईसन चहाअ पे हुंकू लोः आपे होः हेकानेपे।

जे आम आला मियांड जोहा रे चाटकांड़े आय दो, हुनी पखा एटाअ जोहा के होः हुनी पखा गुल तामे; तेकर जे आम आला पेछोड़ी के रेगेआय दो, हुनी के कुड़ताः के होः ईइदी रे आलपे बधराई। जाहें आम तरअः कोयाय हुनी के एमाई मे, तेकर जे आम आला जिनीस के रेगेआय, होना के आम आलुम कोय के।

“बेस सिंङ बेस जोयोआ, तेकर जहान का बेस सिंङ बेस का जोयोआ।

हिना लःअय जेतना सिंङ जोअ तेरे चिनहायोआ; एता लःअय ची होड़ जानुम झुंड़ सिंङ तरअः अंजीर काकु गोडेआ आउर ना दो जानुम तेकर ना जानुम सिंङ तरअः अंगुर जोअ काकु गोडेआ।