Beliebte Verse in 2 Ɩya-ɩya 20

Teilen

Gɛ ɛ dɔ̀ bɛ alan, <<Egyu Yehosafati ma ɛyɩ gɛtɛ ɩ̀ sa Yuda ma Yerusalem powu ɩ nʋn! Yahwe alan, <Ɩ kara yɛ gɩsaa gàà ton yɩ, abɛɛ koro gàà yɔ yɩ bɩtà bʋʋ bɛtàlɛ dɩtɩnpan nyadɩ dii koro. Yema akpa fɔ in di gɛ yiiyo, mɔ fɔ, ì di gɛ Wurubwarɛ woyo.

Nka ɛyɩ nan kpà gɛlɛ gaakpa nyayɩ. I yela kin-kin, fɔ yàà nya anlɛ gɛtɛ Yahwe ɛɛ̀ yɛ yɩ yàà di boo koro. Oo Yuda ma Yerusalem bete, ɩ kara yɛ gɩsaa gàà ton yɩ, gɛ ɩ kara yɛ koro gàà yɔ yɩ. Gɩsa ɩ san akpà fɔ yaanɩ, Yahwe ɛ̀ fɩya ma ɛyɩ.> >>

Oo tii Wurubwarɛ, tiira bɛ giten, yema tɩn ma ɔkɛma gɛtɛ taà kpà ma bɩtà bʋʋ bɛtàlɛ dɩtɩnpan gɛtɛ bɛɛ ba bàà ba kpà ma ɛtɩ lɛ. Tɩn nyɩ̀ gɩnyan gɛtɛ taà mɛ, mɔ aa koro gɛ tɩɩ bʋnʋn bʋ̀ gyaga.

Gɛtɛ Yehosafati ma bɛnɩ fɔ be tiri amɩnlɛ be were fɔ, e tiri baanɩ bɛkɩ ɛ sɩ bɩta bʋʋ bɛtalɛ fɔ bɔɔ bʋnʋn alɛ bàà tɩ nʋma ɩnʋn bɛ tɛ Yahwe, bàà sila wo gingyebi-fɩrɩnfɩrɩn fɔ, bàà dɔ alan, <<Ɩ sa Yahwe onyun, yema wo gelen gɩ̀ sa gakpaakpa.

Gɛtɛ be sere ɔnʋn fɔ wʋʋ gɛnʋma ma Yahwegesila fɔ, Yahwe ɛ yɛ gɩsaa-dɩrɛ gi gyu Amon ma Mowabi ma Edom bɩtà bʋʋ bɛtàlɛ gɛtɛ bɛ tɩtrɩ bee gyu Yuda ga tʋnkwa gaanɩ fɔ, gɛ Uuda bett be di boo koro.

Gɩsaa-dɩrɛ gi gyu Yehosafati, okoro e lila Yahwe gɩnyan gɛtɛ ɛɛ̀ mɛ. Ɛ dɔ̀ gɛtɛ ɛnɩ-kamasɛ gɛtɛ ɛ̀ sa Yuda fɔ ɛ ban onyun.

<Gengyi gyerebi ɛkɩ anlɛ bɩtà, abɛɛ geyeba, abɛɛ dɩkpan dɩɩ ba tii koro fɔ, taà be yela aa bʋnʋn, aa Dikwo-dɩrɛ nyadɩ daanɩ, fɔ tàà wula tɩ tɛ wɔ̀ alɛ to tɩ ya, fɔ àà nʋn tɩ fɔ àà to tɩ.>

Gɩsa, ɩ waran ɩ ma kpà ma ɛbɛ. Yaà we bɛ gɛtɛ bɛɛ bʋn ma Sisi wosele fɔ bɛɛ ba. Yaà tuma bɛ dɩtagba gɛtɛ dɩ dɔ̀ ma ye Yeruweli wotonkuma waanɩ fɔ dii kere.

Gɛ bɛnɩ gɛtɛ bɛ̀ sa Yuda watele powu yaanɩ fɔ, be be tuma Yerusalem bɛ bɛ fɔ Yahwe ɛ̀ɛ̀ kpà bɛ.