Beliebte Verse in Dolabololo 23

Teilen

Ḇaḇa matengo 'o monere na'o 'ai ngowa'a 'aḏi loasa re banari, unanga gena-ge ḏuanga i'a 'o maroanga na'o 'ai ngowa'a nau'u 'akala soro'unu.

Awa no munara singadolo masisengene i'a la dadi ngowa'a rema-enanga, sieanga ḇato maksudu gena-ge.

Sababu 'ani 'ahu toma biono i'a rema enanga, re 'ani ngo-nganono 'i iranga ua.

Awa 'ani 'akala re sinyingara 'i taleana toma ngowa'a baraḏosa, mada'a ni silamo'o re mojongo Ma JOU tau-taunu.

Mojongo awa ni doto'o ninga ngowa'a, ananga 'aḏi sengene ua na'o ngini na'u ca'olo reo ja-ja'olo.

Sitailako 'ani 'akala re sinyingara toma do-doto'o, re 'ani ngau'u 'i si'isene demo-demo rema wo-waro.

Wakutu ngana aro oḏi'i harata, enanga 'i iranga, sababu kage-kage enanga gena-ge rema kalatu'u, ḏua 'i soloro toma diwanga ma tero namo kareba.

No 'isene 'ani ḇaḇa sababu na'o unanga ua, ngana no cua, re awa no je-jengere 'ani ngina wakutu mo piri'i ḏua.