Beliebte Verse in Matius 23

Teilen

'A guna ga'a mau dadi ngowa'a lebe la-lamo'o i'a taninga sigolona, unanga balasu siḏa-siḏa 'o dadi ninga falalomu.

'A guna ḇato 'o sihie 'ai diri, unanga gena-ge ḏuanga i'a Ma Jou'ongu Madutu 'u siholo. Mada'a 'a guna ḇato 'o maholo 'ai diri, unanga gena-ge Ma Jou'ongu Madutu ḏuanga i'a 'u sihie.”

Bahala ra ngini guru-guru 'agama re ngowa'a Farisi! Ngini ngowa'a munafiki! Rampa-rampa sa'olo: selasi, adas mami, re 'o jintan, gena-ge ngini na pula'a jou-jou ga'a ma balangu moi toma balangu nyagi moi ino di'a Ma Jou'ongu Madutu. Momongolo ua, parenta ma re'u i'a ra Musa 'ai hukumu sa'olo: Ngini balasu ni 'adili toma ngowa'a lelegu, balasu ni sijumu ninga 'akala re sinyingara ma la-la, re balasu ni cufala mete'e Ma Jou'ongu Madutu 'ai parenta, gena-ge ngini na siwaro i'a ua! Mada'a ngini balasu na si'a'a, re ma lelegu ḏi'i mai na sidaioranga awa.

Bahala ra ngini guru-guru 'agama re ngowa-ngowa'a Farisi. Ngini ngowa'a munafiki! Ninga moku-moku re ninga suḏe-suḏe ma ḏuḏunu na soso'o nya-nyangele. Momongolo ua, enanga ma dara faja madutu moju ma tero sa'olo ninga 'akala re sinyingara 'i romanga reo danata re nyafusu ngowa'a manga 'ori i'a rana.

“Yerusalem, Yerusalem! Ngini, ngowa'a Yerusalem ga'a 'aḏi sisengene nabi-nabi re ni poini reo maḏi Ma Jou'ongu Madutu 'ai 'utusana singadolo 'aḏi sengene! Soi muḏuo i'a ḏua, Ngoi mau tini saolo ngini ma tero sa'olo namo ma ngina ya worongo ma ngowa-ngowa toma kalatu'u ma 'aḏu, mada'a ngini ni oḏu'u!

So'o gena ḏi'i, ngowa'a 'aḏi oḏi'i ninga ga'a re 'aḏi ta'ajiri ngini ngowa'a loasa re banari. Mada'a ngini mode-mode'e ngowa'a munafiki, re ninga 'akala re sinyingara ma dara 'i romanga reo kajahatana.”