Beliebte Verse in Dadunu 4

Teilen

Mada'a toma ngi'i gena-ge ḏi'i, ngini ḏuanga i'a ni manyiata ra Ma JOU Ma Jou'ongu Madutu ga'a ngini silamo'o re siḏubuso re Unanga ḏuanga i'a 'o 'isene ngini; mada'a ngini balasu ni manyiata reninga 'akala re sinyingara mo-moini re fikirana mo-moini.

Na'o ngini ni 'a'a so'o gena-ge, Unanga 'o sieanga i'a ua ngini bolo singi-ngiranga ngini mo-moini, bolo 'O sidaioranga 'ai jaji ga'a 'O 'a'a rema sasi pasala ḏua taninga ngimo-ngimono, sababu Ma JOU 'o sijumu 'Ai dadalara lai lamo'o ra ngini. Unanga gena-ge Ma Jou'ongu Madutu ga'a ngini ni silamo'o re siḏubuso.

Sababu Ma JOU Ma Jou'ongu Madutu ga'a ngini ni silamo'o re siḏubuso, Unanga ma tero sa'olo u'u ga'a siro'u 'oru ḇato. Dadi, Unanga gena-ge ḏuanga i'a 'O sijumu 'Ari duruta toma ngowa'a ga'a 'aḏi silamo'o re siḏubuso jou'ongu ma somoara.

<< Totoho re ma'istiari la-la ninga diri, la awa ngini ni sidaioranga 'oru ngini masiretene na oḏi'i Ma JOU ro si'a'a re ḏi'i la awa gena-ge 'i iranga taninga 'akala re sinyingara singadolo 'ahu ma giḏanga. Sijarita taninga ngowa'a re danongo tala.

Sababu gena-ge wangere nange-ne ngini balasu ni gogono taninga 'akala re sinyingara re sidaioranga awa: Ma JOU pa'i Unanga matengo ḇato, Ma Jou'ongu Madutu toma diwanga re toma dungia; ma lelegu 'i cua.

Sababu bangsa ma lamo'o rimoi i'a mai ua ga'a remanga jou'ongu ma somoara ga'a co-cori ra ananga ma tero Ma JOU, Ma Jou'ongu Madutu ga'a ngene wo silamo'o re siḏubuso, Unanga gena-ge 'o lai co-cori ra ngene. Unanga gena-ge jau-jau 'O riono ngene na'o ni golo'o di'a 'Ai ri-riono toma 'orasa 'oru ḇato.

Re toma 'orasa toma biono wakutu ngini sanga sangisara re ngini ni basono ma sangisara mo-moini, ngini ḏuanga i'a ni maḏibo ra Ma JOU singadolo ni mete'e Unanga 'ai demo. Unanga gena-ge Ma Jou'ongu Madutu ga'a ngini ni silamo'o re siḏubuso.

Kalaha pa'i ceka'a 'ua, awa ni sikuranga bolo ni dogo 'oru ga'a ngoi to parenta ra ngini. Na siḏagi Ma JOU 'ai parenta-parenta ga'a ngoi to singadolo ra ngini. Unanga gena-ge Ma Jou'ongu Madutu ga'a ngini ni silamo'o re siḏubuso.