Beliebte Verse in Lomɛ́ŋ 4

Teilen

Udimeen guádáb ndán ya Gɔdányá. Guádáb gág ugúlénin wɔ́ magɛ́nda, uwɔ́ guéŋín Gɔdányá nugúm. Umalɛnsaan bese na bese ká ndán ɛyɛ́ Gɔdányá méeŋín, unyɛ na bugaga bágual yɛ́.

Gɔɔ́gɔ anyɛ́ búnyá buɔ́ŋɔ́n agá Mbɔbɔnɔ ya Gɔdányá ká: Nguál ká ábá sié we egúl giod. Ábalaháma nyɛ sié wasɔ ogobúsió bá ewe uwɔ́ umáadáb. Gɔdányá waád wenyugenyé ebeguén, wond wala ká ubú búmabásaná búdiánɛ́g, buánɛ́g.

Bɛnana bás bɛ́máal ká bédú wɔ́, kányɛ Gɔdányá méenyúgi wɔ́ aga ebeguén ká údióndi bindényé.

Ábalaháma mág ɔdɛm, kɔɔ́m niágɛn ɔdɛm máal nídiánd gubá, uwádáb Gɔdányá, ubuál ká wɛɛ́y sié we egúl giod gɔɔ́gɔ anyɛ́ Gɔdányá mɔ́ɔyɛ́dɛ́n wɔ́ ká: Nɔgɔgɔ nɔ́w gedeg.

Ndán mebiéŋín agá gélem gá guádáb, ká ɛ́bá mfaán ya gilé, yónd ɛ́bá gá nɔgɔgɔ ná Ábalaháma gidigid, saá gɔɔ́gɔ gá ebe báládaná bisele gusúg, ta ebe bádábaná anyɛ Ábalaháma unyá sie wasɔ wa bem.

Bese giod na ebe ɔbɔ́ Gɔdányá nyá gudɛ́nɛn bɔ́ bɛfal uwond uwéli bɛnaná bɔ́b, Bese giod na mɔnd uwɔ́ Ɔgúnɔ́ diánd gubanaan bɛfal biág.

Ɛsámb yá Mbɔbɔnɔ guɔ́yɔ gɔg ka giág e? Ábalaháma mondí ɔdɛm aga Gɔdányá, ány Gɔdányá máan wɔ́ osi wá mɔnd agág gá eŋís góbusió bá guádáb guág.