Beliebte Verse in Lomɛ́ŋ 1

Teilen

Ndɛbá na ɔduɔ́ gunɔ́ gá gudúmbenyi Ndág ya Nsɔ́m. Na bugaga bá yɛ́ Gɔdányá sódonyó ebe bádábaná, gubanyɛg aga Beyúdɛn na ebe bádiábá Beyúdɛn.

Búnyɛ́ nɔ́, Ndág ya Nsɔm gúdíyenyi nanyá Gɔdányá ondonyó band besi agág góbúsió, búguófoon ká band bia giondiɔdɛ́mɔ́ gusúg. Giondiɔdɛ́mɔ́ gɛ́gɛ́ eŋényé giófonó, gɔɔ́gɔ anɛ́ búnyá buɔ́ŋɔ́n agá Musámb má Mbɔbɔnɔ ká: Mɔnd wádábaná Gɔdányá, Gɔdányá guóndonyi wɔ́ osi agág góbúsió, mɔnd uwaány ubiananá mbanda gusɔ́d.

Kányɛ gunyá ká, guedúmin agá gulɔŋ gá gus, manda má Gɔdányá bádiánáná anyɛ, bugaga bá Gɔdányá búnyá kandɛ nsúgie, na ubú únyá uwɔ́ Gɔdányá muát, guánɛgan bese na bese agá manda ɔmɔ úmaála. Ány gɔg bádɛ́bá na nɛɛ́m gá guen guádáb Gɔdányá

ta anɛ búnyá ká, bágɔ́lɛnsaan Gɔdányá, bédíguéŋeen wɔ́ ta nugúm, ta bese giod anyɛ́ buófonó ká búbiála agág gá giáy. Abáb gá ɛmbɛ́dágɛ́dɛn sá buál, ɛdɛm sɔ́b sá kandɛ gɔlɛnsa isíebiédi agá mbíne.

Bégunúgi meliŋítas má Gɔdányá, omoónd gɛsɔbɔ, ebeén gualaan wɔ́ buol na gubúlígenyi oluŋi unyá afunán na baánamana. Anaány! Bébúlígenyi, bónd bálaan bɛlɔŋalɔŋa bá Gɔdányá buol.

Gɔdányá muana nágadá gudíyenyi ilób yág gá band gidigid báláná bɛfal bónd bádialá anyɛ́ ubílénené. Kandɛ guanda agá ndényé wɔbɔ gubɔgaan meliŋítas mág

Buád buanda Gɔdányá máanɛ́n bɔ́ ká bála biád bá bɛsɛmɛ́dɛ́n: Bagánd bɔ́b dɛguánd guádában ká banɔ́mandɔ bɛ́dɛ́gan bɔ́ anyɛ́ uméegedí, bádábaan ká bábɛ́bɛ́dɛ́ganɛn bɔ́bɔ́ na bɔ́bɔ́. Anaány sɔ́n banɔ́mandɔ nyá gutɛ́n gubɛ́dɛ́gan bagánd bɔ́b anyɛ́ Gɔdányá méegedí, obónd gá gúbianan nsana giod ká bábɛ́dɛ́ganɛn bɔ́bɔ́ na bɔ́bɔ́, búbɔ́ búményené guámanɛn ɔgɔ́b gá ɛdɛm, bála manda má ɔduɔ́ gunɔ́, banɔ́mandɔ na banɔ́mandɔ, anaány bábiananá bɔ́bɔ́ muát bɛnama bɛ́sɛ́gɛmananá na gɛfal ɛgɛ́ bálaná. Anɛ bényéguen gɔlɛns Gɔdányá, úgubɛ́yɛbɛd bɔ́ ɔgɔ́b gá nsiŋi sídiédémbénényé na Gɔdányá ká bála ubú bádiábiánán ká bála.

Bɔ́yɔ ká bányɛ́ na nsiŋi búbú e bányɛ́ bɔduɔ́duɔ. Na gual ká bébúlígenyi Gɔdányá wa nugúm udiéguénéné, abáb gá gúbúlígenyi biíyé bá band béguénené, bá munoni, bá manyam má bɛgɔnd bíní na manyam mébítútúlené.