Beliebte Verse in Bielínyélínyé 2

Teilen

Piéle guondinyi bɔ́ ká: «Énunúgí gubá gán! Sig mɔnd a bídu agá ɔfɛ́n wa Yésu Kilíse, ká bánɔ́nɛnɛn bɛfal bán, nubád gudáŋáb Ɛsámb yá Mefúny ínyá mfaán yá Gɔdányá.

Band abaány gidigid mebíeŋín na nɔládád agá gúfúnyifunyi gá bedúmeb, bɔ́sɔ́dɔɔn ɔmbɔ́g agá ɔmbɔ́g, na agá guafa gá bɛnyɔka, na agá imbísógól.

Obófuóg bɔ́bɔ́ gidigid na Ɛsámb yá Mefúny. Abáb gá gúgála megélídié móndodi gɔɔ́gɔ anyɛ́ Ɛsámb yá Mefúny máabá ídíyenyi bɔ́.

Kɔ́ nɔ kɔ́, gilum igílín ugumuana anɛ gianta gá ofufuny gífúŋené. Igiófuóg agá gians ɛgɛ́ bámáabá kɔ́ ilukié. Abaán bɛlámb bɛ́bɛ́fuáganan bɛlámb bá yoóg ɛ́lɔ́laná. Bɛ́máamɛ́n bɔ́ puas, ibiabiáfa; bɛ́bɛ́dála aga sig mɔnd a ɔgɔ́b gá ɔlɔŋ. Obófuóg bɔ́bɔ́ gidigid na Ɛsámb yá Mefúny. Abáb gá gúgála megélídié móndodi gɔɔ́gɔ anyɛ́ Ɛsámb yá Mefúny máabá ídíyenyi bɔ́.

Bámabá buóny búmoom, bábaan sig buɔ́siɔ́ agá ɔnyɛb wá Gɔdányá; bányánan ɔlɔŋ ɔgɔ́b gá bians agá gubíséli na bɛdɔdɛn agá ɛdɛm. Bákánya Gɔdányá, band gidigid bíléne bɔ́, Ɔgúnɔ́ mɔ́ɔyɛ́kɔ́nɛ́n ɔgɔ́b gá giɔ́b sig buɔ́siɔ́, band Gɔdányá móosódí.

Gɔdányá máal ká, agá medug mégúsúgúdenyi, ngegesigesi Mefúny mám aga mɔnd gidigid; baan abanɔ́mandɔ na bɛgɔna bán gɛɛ́yaan mubús, bɛndɔmbuɔ́ bán bá band gabianan numɔ́ny, bilunu bán bá band galɛmanan.

Ebe gidigid bamɛɛ́y beédéb mabá babɛ́ládan, báfa bɔ́bɔ́ na bɔ́bɔ́ buand gidigid bámáabiánán. Bémeduénén bisién bɔ́b na bɔnɛ́m bɔ́b, báfa muonyi má ondunó bɔ́bɔ́ beem anyɛ́ masɔ́m má sig mɔnd a nyá.

Buád buanda, mɔnd gidigid uganɔ́bɛ́lɛ́gɛn Ɔgúnɔ́ ká údúgún wɔ́, ugɔsɔ́d.

Ɔɔ́ny gond imbíné, oól ónd obólodod anyɛ manɔŋ. Igiány gigúl buɔ́s bá Ɔgúnɔ́ gabá búmányɛ búdísiám, búgabá gianta gá buɔ́s ɛgɛ nugúm nág ganuánɛ́g.