Beliebte Verse in Títo̱ 1

Teilen

Nuthee̱n rí nune̱-nuwii̱n Ana̱ꞌlóꞌ, xómáꞌ rí nuni̱i̱ naꞌthán rí tsíne̱-nuwii̱n. Rí xkuaꞌnii jaꞌñúu̱, phú tsíyoo gíꞌñúu̱ ene̱ xa̱bo̱, phú najñaguu̱n jamí tsíyoo muni̱i̱ asndo nimbá rí máján.

Xa̱bo̱ tsí jaꞌwuun, mbá xúgíí máꞌ jaꞌwu iyáa̱ rí ikhii̱n. Xómáꞌ tsí niꞌchíin jamí tsínimbu̱únꞌ juyáá Ana̱ꞌlóꞌ rá, mbá xúgíí máꞌ na̱nguá jaꞌwu iyáa̱ rí ikhii̱n, numuu rí asndo ju̱múu̱ jamí asndo a̱kuíi̱n máꞌ niꞌchúu.

Xúꞌkhue̱n máꞌ mangaa, ndaꞌyóo rí ma̱nindxu̱u̱ mbáa xa̱bo̱ tsí na̱gu̱xi̱i mújúun ajngáa rawuun Ana̱ꞌlóꞌ, xómá phú waꞌsngáa̱, kajngó ma̱goo maꞌthán-múꞌúu̱n i̱ꞌwíin xa̱bo̱ ga̱jma̱á gisngáá rí gakon jamí ma̱ꞌnii̱ rí ma̱nimbu̱únꞌ tsí nawajún-ꞌthi̱ín gisngáá rúꞌkhue̱n.

Numuu rí tsí ñajuun xa̱bo̱ ede̱, jayée̱ ikhoo ñajun ná guꞌwóo Ana̱ꞌlóꞌ. Ikhaa jngó, ndaꞌyóo rí ma̱nindxu̱u̱ xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu: rí ma̱xánindxu̱u̱ xa̱bo̱ tsí nakúxe̱-mina̱ꞌ, rí ma̱xánindxu̱u̱ xa̱bo̱ tsí i̱ndo̱ó máꞌ najiꞌnáa, rí ma̱xánindxu̱u̱ xa̱bo̱ tsí i̱ndo̱ó máꞌ najnga̱a̱, rí ma̱xánindxu̱u̱ xa̱bo̱ tsí na̱tsa̱ñu̱u̱ꞌ gajmíí xa̱bo̱, ni máꞌ rí ma̱xánindxu̱u̱ xa̱bo̱ tsí na̱ni̱gu̱u̱ꞌ madaa mbúkha̱a̱ ga̱jma̱á majñu̱u̱ rí mi̱nduwa. A̱ꞌkhue̱n gakon, ndaꞌyóo rí ma̱grui̱gúu̱n xa̱bo̱ ná guꞌwóo̱, jamí rí ma̱ꞌnii̱ rí máján. Xúꞌkhue̱n máꞌ nandxaꞌwá-mine̱e̱ꞌ mújúu̱n rí ma̱ꞌnii̱, májáan a̱kuii̱n, jaꞌwu xtáa̱, jamí na̱ꞌngo̱o̱ máꞌ naꞌthán-ñájuu̱n xuyuu̱.

Mbámbáa xa̱bo̱ nikhi̱i̱ tsúꞌkhue̱n jaꞌyoo rí ma̱nindxu̱u̱ mbáa xa̱bo̱ tsí nda̱a̱ nitháan rí ra̱máján mi̱ꞌthán ga̱jma̱á numuu, jamí tsí mbáwíi a̱ꞌgui̱i. Xúꞌkhue̱n máꞌ i̱jii̱n, jaꞌyoo rí ma̱nindxúu̱n tsí nanimbu̱únꞌ juyáá Jesukrísto̱, jamí ndawa̱a̱ tsí naꞌne tsu̱dúu̱n rí ra̱máján ini̱i̱ o najñaguu̱n mbo̱ꞌ.