Beliebte Verse in Rí wasngájma 13

Teilen

Ge̱jyoꞌ ndaꞌyóo rí phú ma̱ma̱ñalóꞌ. Tsí nafroꞌo̱o̱, a̱gu̱xnuu̱ kíxnuu drígo̱o̱ xu̱kú xkawi̱i̱ꞌ, numuu rí kíxnuu máꞌ drígo̱o̱ xa̱bo̱ numbaa ñajuun ne̱. Ikhaa kíxnuu rúꞌkhue̱n ñajuun majun siénto̱ atsú skíñú majun (666).

Ma̱gu̱ma-mba̱a̱ xu̱kú xkawi̱i̱ꞌ gúne̱ mbá xúgíin xa̱bo̱ tsí júwa̱ꞌ ná numbaa, ikhiin tsí na̱nguá ka̱ma mbiꞌñúú ná i̱yu̱u̱ꞌ A̱ꞌdá-mógó tsí nijáñuu. I̱yi̱i̱ꞌ rúꞌkhue̱n ni̱gu̱ma nákhí ni̱gu̱ma-ku̱maa numbaa, jamí ikhín ríga̱ mbiꞌñúú tsí mbuya jámuu.

Xúꞌkhue̱n máꞌ mangaa, xu̱kú xkawi̱i̱ꞌ tsí riajma̱a̱ naꞌne-ski̱ñúu̱ mbá xúgíin xa̱bo̱, xa̱bo̱ tsí makiin jamí xa̱bo̱ tsí mba̱ꞌwu̱un, tsí ngíníi jamí tsí guáꞌdáá mi̱ndaꞌkho, xa̱bo̱ tsí nuthan-ñajun-mijná máꞌ ikhiin jamí yumbáá waꞌtsi̱in, rí ma̱gi̱ꞌma mbá tsina ná ñawún mújúu̱n o ná jédúu̱n mbo̱ꞌ. Asndo nimbáa tsíyoo rí maꞌtse̱ o ma̱ngu̱jwa̱ mbo̱ꞌ, rí i̱ndo̱ó máꞌ tsí guáꞌdáá tsinuu xu̱kú xkawi̱i̱ꞌ, ikhaa rí ñajuun mbiꞌyuu̱ o kíxnuu mbiꞌyuu̱ mbo̱ꞌ.

«Tsí nawatuun xa̱bo̱ rí ma̱ꞌga jagu̱un ná géjwa̱nꞌ, ma̱ꞌgee̱ máꞌ géjwa̱nꞌ. Tsí na̱gu̱díin xa̱bo̱ ga̱jma̱á chíde̱, ma̱ja̱ñúu̱ máꞌ ga̱jma̱á chíde̱». Ge̱jyoꞌ ma̱kujmii xa̱bi̱i Ana̱ꞌlóꞌ, tsí na̱ꞌngo̱o̱ a̱kui̱ín rí mu̱míni̱í jamí rí wéje̱ a̱kui̱ín ná inuu Ana̱ꞌlóꞌ.

Wáju̱nlo̱ꞌ ná rawuun iya a̱pha̱, a̱ꞌkhue̱n ndi̱yo̱o̱ rí ná awúun iya a̱pha̱ nagájnuu mbáa xu̱kú xkawi̱i̱ꞌ, tsí gíꞌdoo juwan idxu̱u̱ jamí gu̱wa̱ꞌ chi̱jyu̱u̱ꞌ. Mbámbá chi̱jyu̱u̱ꞌ rígu mbá ajwa̱nꞌ gamaku lájwíin rí jndi, jamí mbámbá idxu̱u̱ ka̱ma mbá mbiꞌyuu rí naꞌthán-xkawiu̱u̱ꞌ Ana̱ꞌlóꞌ.

Xúꞌkhue̱n máꞌ nijanáa̱ tsiakhe̱ rí ma̱ꞌnii̱ xkujndu gajmíi̱ xa̱bi̱i Ana̱ꞌlóꞌ jamí rí ma̱ꞌngo̱o̱ inúú. Mangaa máꞌ nijanáa̱ tsiakhe̱ rí maꞌthán-ñájúu̱n mbá xúgíí inii xa̱bo̱, mbá xúgíí xuajen, mbá xúgíí ajngáa rí nuthan xa̱bo̱ jamí mbá xúgíin xa̱bo̱ tsí júwa̱ꞌ ná numbaa.

Ga̱jma̱á rí phú wáá rí naꞌnii̱ ga̱jma̱á ski̱yu̱u̱ꞌ xu̱kú xkawi̱i̱ꞌ tsí ginii, neꞌne-nduwii̱n xa̱bo̱ tsí júwa̱ꞌ ná numbaa. Nixná-ñájúu̱n xa̱bo̱ rí mune̱ mbá xtiꞌkhuu xu̱kú xkawi̱i̱ꞌ tsí ginii, tsí nijámbi̱yu̱u̱ꞌ ga̱jma̱á chíde̱ jamí tájáñuu. Mangaa máꞌ nijanáá xu̱kú xkawi̱i̱ꞌ tsí riajma̱a̱ tsiakhe̱ rí ma̱ꞌnii̱ rí mba̱ꞌya xtiꞌkhuu xu̱kú xkawi̱i̱ꞌ tsí ginii, kajngó ma̱goo maꞌthán ne̱ jamí ma̱ꞌne ne̱ rí ma̱ja̱ñúú mbá xúgíin xa̱bo̱ tsí tsíne̱-mba̱a̱ ne̱.

Xu̱kú xkawi̱i̱ꞌ tsíge̱ꞌ xómá i̱ndi̱í mixtíi xáníi jaꞌnii̱, rí nakhúu̱ xómá nakhúu xu̱kú óso̱ jaꞌnii ne̱, jamí rawuu̱n xómá rawuun i̱ndi̱í phuu jaꞌnii ne̱. Xómáꞌ a̱bo̱ꞌ xkawi̱i̱ꞌ nixnúu̱ ski̱yu̱u̱ꞌ, xúꞌkhue̱n máꞌ nixnúu̱ xílii̱ kajngó ma̱gi̱ꞌi̱i̱ maꞌthán-ñájwii̱n.

Tsí xu̱kú xkawi̱i̱ꞌ nijanáa̱ rí ma̱ꞌne-tsiꞌyée̱ jamí maꞌthán-xkawi̱i̱ꞌ ga̱jma̱á numuu Ana̱ꞌlóꞌ. Xúꞌkhue̱n máꞌ nijanáa̱ tsiakhe̱ rí ma̱ꞌnii̱ asndo wátha̱ máꞌ rí nandoo̱ ikhaa̱ mbá atsú tsigu i̱tikhu.

Ndi̱yo̱o̱ rí mbá idxu̱u̱ xu̱kú xkawi̱i̱ꞌ nakujma rí phú gakhe̱ nijámbi̱yu̱u̱ꞌ rí nijáñuu̱, i̱ndo̱ó máꞌ numuu rí niꞌni̱i máꞌ ne̱. Mbá xúgíin xa̱bo̱ tsí júwa̱ꞌ ná numbaa nimakúu̱n rí xkuaꞌnii jamí nigóo̱ tsu̱du̱u̱ xu̱kú xkawi̱i̱ꞌ.

Nda̱wa̱á a̱ꞌkhue̱n ndi̱yo̱o̱ i̱mba̱a̱ꞌ xu̱kú xkawi̱i̱ꞌ, tsí nagájnuu ná awúun ju̱ba̱ꞌ. Gíꞌdoo̱ a̱jma̱ chi̱jyu̱u̱ꞌ xómá chi̱jyu̱u̱ꞌ xu̱kú mogo̱, i̱ndo̱ó máꞌ numuu rí naꞌthée̱n xómá a̱bo̱ꞌ xkawi̱i̱ꞌ tsí phú mba̱a̱ jamí maña̱a̱ꞌ. Jamí ni̱grui̱guíi̱ mbá xúgíí ski̱yu̱u̱ꞌ xu̱kú xkawi̱i̱ꞌ tsí ginii, kajngó ma̱jmuu̱ ne̱ inuu máꞌ ikhaa tsúꞌkhue̱n. Naꞌne-ski̱ñúu̱ xa̱bo̱ tsí júwa̱ꞌ ná tsu̱du̱u̱ numbaa rí mune̱-mba̱a̱ xu̱kú xkawi̱i̱ꞌ tsí ginii, tsí niꞌni̱i máꞌ ná phú gakhe̱ nijámbi̱yu̱u̱ꞌ rí nijáñuu.