Beliebte Verse in Xa̱bo̱ Éfe̱so̱ 2

Teilen

Numuu rí Ana̱ꞌlóꞌ neꞌne-ku̱máaꞌlóꞌ ga̱jma̱á majñu̱u̱ Krísto̱ Jesús, kajngó mu̱ꞌne̱lóꞌ rí máján, ikhaa rí wapha máꞌ ni̱ru̱thuun Ana̱ꞌlóꞌ rí mu̱ꞌne̱lóꞌ.

Ikháanꞌ nijríñáaꞌlaꞌ numuu rí nijanálaꞌ rí máján rí ra̱jáꞌyalaꞌ ga̱jma̱á majñu̱u̱ rí wéje̱ a̱kia̱nꞌlaꞌ ná inuu Jesús. Ra̱ꞌkhá ikháanꞌlaꞌ ni̱ꞌnga̱ꞌlaꞌ ne̱ne̱-jríya̱ꞌ-mijnálaꞌ, rí Ana̱ꞌlóꞌ neꞌne-jríñáaꞌlaꞌ. Tájríñáaꞌlaꞌ ga̱jma̱á numuu rí nu̱ne̱laꞌ rí máján, kajngó nimbáa ma̱xákúxe̱-mina̱ꞌ inuu Ana̱ꞌlóꞌ.

Xómáꞌ Ana̱ꞌlóꞌ, maphú mba̱a̱ niñáwíin a̱kuii̱n jaꞌyalóꞌ, numuu rí phú nandoo̱ jaꞌyalóꞌ. Niꞌnii̱ rí mbu̱ꞌyáa mbiꞌyalóꞌ ga̱jma̱á nindxu̱u̱ Krísto̱, maske máꞌ asndo xó rí juwa nijáñalóꞌ inuu̱ ga̱jma̱á numuu aꞌkhánlóꞌ. ¡Nijríñáaꞌlaꞌ ga̱jma̱á numuu rí Ana̱ꞌlóꞌ nixnálaꞌ rí máján rí ra̱jáꞌyalaꞌ!

Nákhí rí Ana̱ꞌlóꞌ neꞌne rí mbayáa mbiꞌyuu Krísto̱ Jesús, niꞌnii̱ rí mbu̱ꞌyáa mbiꞌyalóꞌ mangáanꞌlóꞌ jamí rí ma̱trigáanꞌlóꞌ ga̱jma̱á nindxu̱u̱ ná mikhuíí.

Ikhaa jngó, nákha máꞌ xa̱bo̱ tsí naguwá tsíngua̱ꞌ ni máꞌ tsí tsígu̱ma-nuwiin ñajwanlaꞌ rí xúge̱ꞌ rá, rí xa̱bo̱ xuajñuu jamí xa̱bo̱ guꞌwóo Ana̱ꞌlóꞌ ñajwanlaꞌ. Ikháanꞌ ñajwanlaꞌ xómá mbá guꞌwá rí na̱tu̱xu̱u̱ ná tsu̱du̱ún tsí waxúngui̱inꞌ jamí tsí ni̱rawíjnga̱a ajngóo Ana̱ꞌlóꞌ. Jamí jmína̱a̱ꞌ máꞌ Jesukrísto̱ ñajuun xómá itsí mba̱a̱ rí na̱ge̱ꞌe̱ ná nakhúu guꞌwá.