Beliebte Verse in 1 Pédro̱ 5

Teilen

Gu̱ni̱ꞌñáálaꞌ mbá xúgíí gajmá rí guáꞌdáálaꞌ ná ñawúun Ana̱ꞌlóꞌ, numuu rí ikhaa̱ na̱ña̱wa̱nꞌlaꞌ.

Jamí ído̱ rí wámba̱ máꞌ ni̱míni̱ílaꞌ mbá wátha̱ wáa mbiꞌi, a̱ꞌkhue̱n rí jmína̱a̱ꞌ máꞌ Ana̱ꞌlóꞌ tsí nindxaꞌwálaꞌ rí ma̱nindxa̱ꞌlaꞌ xómá jaꞌnii̱ ikhaa̱ ga̱jma̱á majñu̱u̱ Jesukrísto̱, ma̱ꞌnii̱ rí ma̱ꞌne káxáanꞌlaꞌ, ma̱wajún-gúkuálaꞌ, ma̱ꞌne gúkuáanꞌlaꞌ, jamí rí ma̱ꞌne jañii a̱kia̱nꞌlaꞌ ju̱yáa̱.

Gu̱ndxa̱ꞌwa̱-mijná májánlaꞌ rí mu̱ne̱laꞌ, jamí ga̱juwalaꞌ xawi. Numuu rí gixa̱a̱ tsí gíꞌdáanꞌlaꞌ sia̱nꞌ, ngrigo̱o̱ꞌ-randxaꞌwée̱ xómá i̱ndi̱í phuu tsí ndaꞌyáa tsí mi̱khu̱u̱. Ga̱wajún-ꞌthi̱ínlaꞌ gixa̱a̱ ga̱jma̱á majñu̱u̱ rí wéje̱-gúkúu a̱kia̱nꞌlaꞌ ná inuu Ana̱ꞌlóꞌ, numuu rí ndu̱ya̱álaꞌ máꞌ rí mbá xúgíí inuu numbaa júwa̱ꞌ a̱ngia̱nꞌlaꞌ tsí nu̱míni̱í xómá rí nu̱míni̱í ikháanꞌlaꞌ.

Ikhaa jngó, gu̱xrígú-mijnálaꞌ ná inuu Ana̱ꞌlóꞌ tsí gíꞌdoo mbá xúgíí tsiakhe̱, kajngó ikhaa̱ ma̱ꞌnii̱ rí phú ma̱gi̱ꞌdoo numalaꞌ ído̱ gága̱nú mbiꞌi.

Xúꞌkhue̱n máꞌ ikháanꞌlaꞌ, xa̱bo̱ tikhu, gu̱ne̱-mbáníílaꞌ rí nuthan xa̱bo̱ buanuu. Mbá xúgiáanꞌlaꞌ gu̱xrígú-mijnálaꞌ jamí gu̱ni̱ꞌñá-mijnálaꞌ rí mu̱xna̱-ñájun-mijnálaꞌ, numuu rí: «Ana̱ꞌlóꞌ na̱we̱je̱-ꞌthúu̱n xa̱bo̱ tsí nu̱xu̱xí-mijná, xómáꞌ tsí nu̱xrígú-mijná rá, nambáñúu̱ ga̱jma̱á rí máján».