Beliebte Verse in रोमियो 2

Teilen

हे मिनख, थूं जिकौ ऐड़ा ऐड़ा कांम करणैवाळौ ऊपर दोस लगावै है, अर खुद ही ऐड़ा कांम करै है। तो कांई थूं सोचे है की थूं परमेसर रै डंड री आग्या ऊं बच जावैला? कांई थूं परमेसर री महान करपा, सहन, अर धीरज नै तुच्छ जांणै है? अर कांई ओ कोनीं जांणै, की परमेसर री करपा थनै पापों ऊं मन फिराणै री तरफ ले जावै है?

इण वास्तै हे दूजौ पे दोस लगानवाळा, थूं चाहे कोई भी हो, थारै खनै कोई उतर कोनीं है क्यूंकै जिण बात में थूं दूजै माथै दोस लगावै है, उण बात में अपणै आप नै भी दोसी ठैरावै है, इण वास्तै की थूं जिकौ दोस लगावै है, खुद ही वोहीज कांम करै है।

क्यूंकै परमेसर किणी रौ पकसपात कोनीं करै।

क्यूंकै परमेसर रै दिस्टी में व्यवस्था नै सुणणवाळा धरमी कोनीं, पण व्यवस्था ऊपर चालनैवाळा धरमी ठैराया जावैला।

परमेसर हरैक नै उणरै करमो रै अनुसार फळ दैला।

पण जिकौ मतलबी है, अर हकीगत नै नीं मांनै, बल्कि अधरम नै मांनै है, उणौ माथै परमेसर रौ क्रोध अर परकोप पड़ैला।

पण थूं थारी कठोरता अर जिदी मन रै कारण उणरै कोप रै दिन रै लियै, खुद रै लियै कोप कमा रियौ है जद परमेसर रौ साचौ न्याव परगट होवैला।