Beliebte Verse in लूका 14

Teilen

“जिकौ म्हारै खनै कोई भी आवै है, अर आपरै पिता, मां, लुगाई अर टाबरौ आपरै भाइयो अर बैनो अर एठै तांई की आपरै जीवन तांई ऊं म्हारै ऊं घणौ परैम राखै है, तो वो म्हारौ चेलौ नीं हो सकै।

अर जिकौ कोई आपरौ क्रूस नीं उठाए, अर म्हारै लारै नीं चालै, वो भी म्हारौ चेलौ नीं हो सकै।

अर जिकौ कोई अपणै आप नै मोटो बणावैला, वो छोटौ कियो जावैला। अर जिकौ कोई अपणै आप नै छोटौ बणावैला, वो मोटो कियो जावैला।”

इण रीति ऊं थौरे मे ऊं जिकौ कोई आपरौ सगळौ कीं त्याग नीं दे, तो वो म्हारौ चेलौ नीं हो सकै।

“जे थौरे मे ऊं कोई गढ़ बणाणौ चावै तो कांई वो पैला बैठनै उणरै कीमत रौ, ओ देखणै रै लियै की उणै पूरौ करनै रै वास्तै उणरै खनै गुंजाइस है या कोनीं, हिसाब किताब कोनीं लगावैला? नीं तो वो नींव तो भर दैला अर उणै पूरौ नीं कर पाणै ऊं, जिणौ उणनै सरू करते देख्यां, वे सगळा उणरी मसकरी करैला अर कैवैला, ‘अर देखौ इण मिनख बणाणौ तो सरू कियो, पण ओ उणनै पूरौ नीं कर सकयौ।’

बल्कि जद थूं कोई खाणौ दे तो कंगालो, अपाहिजो, लंगड़ो अर आंधौ नै बुला। क्यूंकै उणौरै खनै थनै पाछौ देवण नै कीं कोनीं है तो ओ थारै वास्तै धन्य है। इणरौ प्रतिफळ थनै धरमी लोगां रै पुनरूत्थान पर दियौ जावैला।”

“नमक तो चौखौ है, पण जे नमक रौ हवाद बिगड़ जावै, तो उणनै कीणमे नोख्यौ जा सकै है? नीं तो वो माटी रै अर नीं खाद रै कांम आवै है, लोग उणनै बस यूं ही फेंक दैवै है। “जिणरै सुणणै रा कांन होवै, वो सुण ले।”