Beliebte Verse in इब्रानियो 4

Teilen

क्यूंकै परमेसर रौ वचन जीवतौ, कांम करणैवाळौ, अर हरैक दोधारी तरवार ऊं भी घणौ तीखो है। अर प्रांण अर आतमा नै, अर गांठ गांठ, अर गूदे गूदे नै न्यारा करनै आरपार बिन्धे है अर मन री भावनाओं अर विचारो नै जांचे है।

इण वास्तै म्हौ विसवास रै साथै परमेसर रै अनुग्रह रै सिहासण रै खनै जाओ, जिण ऊं म्हौ नै दया मिळैला, अर म्हौ वो अनुग्रह पाओला, जिकौ म्हौरी जरुतो में म्हौरी मदद करैला।

क्यूंकै म्हौरौ ऐड़ौ महायाजक कोनीं, जिकौ म्हौरी कमजोरियो में म्हौरै साथै दुखी नीं हो सकै। जद की वो सगळी बातां में म्हौरै ज्यूं जांचयो तो गियौ, तौभी निरदोस निकळयौ।

सिस्टी री कोई चीज उण ऊं छिपयोड़ी कोनीं है, बल्कि जिणनै म्हौरौ लेखौ-जोखो दैणौ है, उणरी आंख्यां रै सांमै सगळी चीजों खुली अर परगट है।

इण वास्तै परमेसर रौ बेटौ यीसु एक ऐड़ौ मोटो महायाजक है, जिकौ सरग में ऊं होयनै गियौ है, तो म्हौ जिकौ स्वीकार कियो उणनै मजबुती रै साथै थामे रैणौ चाहीजै।

अतस म्हौ उण आराम री जगा में परवेस करणै री कोसीस करौ, ऐड़ौ नीं हो, की कोई जन उणरै ज्यूं आग्या नीं मांन नै लारै रै जावै।