Beliebte Verse in इफिसियो 4

Teilen

अर थै एक दूजा रै माथै करपा करण वाळा अर दया राखण वाळा हो जाओ, ज्यूं परमेसर यीसु मसीह ऊं थांरा गुनाह माफ करिया, उण इज तरीका ऊं थै भी एक दूजा रा अपराध माफ करौ।

अर पूरी दया, नरमाई अर धीरज रै साथै परैम ऊं एक दूजा रै वास्तै सहन करौ।

कोई दुस्ट बात थौरे मूंडै ऊं नीं निकळै। वोहीज बात निकळै जिणरी थांनै जरुत है अर जिकौ लोगां रौ उतम करै अर सुणण वाळा रौ भलौ हो।

सगळी तरैह री कड़वाहट, लड़ाई, रीस, कलेस अर निंदा, सगळी बुराई ऊं आगा रैवौ।

रीस तो करौ, पर पाप मत करौ। सूरज रै ढ़ळनै तांई रीस नीं राखणी। सैतान नै मौकौ मत दो।

इण वास्तै थै पुराणा सभाव नै छोड़ दो, जिकौ भूंडी वासना वाळी इछा ऊं थौरो नास करै। आपरा हिरदा अर मन ऊं नवा बणता जाओ अर नवा सभाव नै पैहर लौ, जिकौ परमेसर रा हाच, धरम अर पवितरता में बणायोड़ो है।

कोसीस करता रौ के, मेळ री गाठ में आतमा रौ एको बण्योड़ो रैवै।

वे कीं नै चुणयोड़ा चेला, कीं नै परमेसर री बातां बतावण वाळा, कीं नै सुभ संदेस रा परचार करण वाळा, कीं नै अगुवा अर कीं नै सिखावण वाळा बणाया। वे लोगां नै इण वास्तै चुणया ताकी वे परमेसर रा पवितर लोगां नै सेवा वास्तै तैयार करै अर मसीह देह नै मजबुत करै। ओ उण वगत होवैला, जद अपां सगळा रा सगळा विसवास में अर परमेसर रै बेटा रा पूरा ग्यांन में एक हो जाओ ला। यानि के, जद अपां पूरी तरैह ऊं मसीह में रम जाओ ला।

जिण ऊं अपां आगै ऊं टाबर जैड़ा नीं रैवौ, जिकौ मांनखै री ठग विधया, धोखो अर वैम री चालौ में अर सिद्धान्त रा हवा री सीख में अठै ऊं उठी उड जावै। पर परैम में हाच रै साथै हालता मसीह में बढ़ता जाओ अर मसीह देह रुपी मंडली रौ माथो है।