Beliebte Verse in इफिसियो 1

Teilen

म्हैं पराथना करूं के, थौरे मन री आंख्यां खुल जावै। इण ऊं थै जांण जाओ के, परमेसर रा बुलावणा में आसा कांई है अर परमेसर रा पवितर लोगां नै जिकौ मेमा री बापोती मिळेला, वा किती अनोखी अर अनमोल है। थै ओ भी जांण जावोला के, अपां विसवासियो में उण री सगति किती महान है। जिकौ सगति अपणा में कांम करै, उण सगति ऊं वे मसीह नै मरयोड़ा ऊं जीवता करिया अर सरग में आपरै जिमणा पाड़ै बिठाया। परभु यीसु नै सगळै राजाओ माथै, अधिकारियों माथै, आत्मिक सगतिया माथै, परभुओ रै माथै अर सगळै नामों माथै विराजमान है अर इण जुग में अर आवण वाळा जुग में भी सगळी सगतियो माथै विराजमान रैवैला।

वे अपांनै इण दुनिया री सरूआत ऊं पैला मसीह रै साथै गाठ जोड़ नै चुण लिया हा, ताकी अपां पिता परमेसर री निजर में पवितर अर निरदोस रैवौ। वे आपरी भली इछा ऊं, पैलाइज तैय कर लियौ हो के, अपां उणरा यीसु मसीह में खोळा लियोड़ा बेटा बणौला। आहीज उणरी खुसी अर उणरौ मकसद हो।

यीसु मसीह री खुद री मरजी अर लोई ऊं अपांरौ छुटकारो होयौ अर पापों ऊं माफी मिळी है। ओ परमेसर री मेमा ऊं भरयोड़ी दया रै कारण होयौ।

अपांरा परमेसर अर परभु यीसु मसीह रा पिता रौ धन्यवाद हो। वे यीसु मसीह माथै विसवास करणै रै कारण सरग जगा में सगळी आतमा री आसीस अपांनै दी है।