Beliebte Verse in San Juan 2

Teilen

Itech Caná de Galilea, Jesús okichi non sikinika milagro. Ika non milagro omotak milák weletini, yika itlamachtijkawah okineltokakeh.

Pero Jesús okinankili: —¿Siwatl, tleka ne techilia? Ayamó ajsi noora.

Jesús okinmili non otlatetekatokah: —Xikintetemitikah ika atl n ajpasteh. Yejwah okintetemitijkeh asta opiaujkeh, ijkuakó Jesús okinmili: —Axa xikkixtikah siki iwa xikwikilikah akin kiyakantok n ilwitl. Yejwah ijkó okichijkeh.

Jesús okinnankili: —Xikxixitinikah nin tiopa, iwa ipan eyi tonati oksepa nikajkokuis.

Ijkuak Jesús okimitak, okichijchi se chikote iwa okwalinkixti de kan Weyi Tiopa ika nochi intorojwah iwa inmichkawah. Okintlamochili ipan tlali intomi n tomintlapatlakeh. Okinxitronkopili inmesajwah iwa intomi oxixitikak. Iwa akimeh okinnamakatokah palomajtsitsinteh okinmili: —¡Xikinkixtikah de nika! ¡Amo xiktiankiskopakah icha n Notajtsi Dios!