Beliebte Verse in Matthew 19

Teilen

အဲခါ ကိုယ်တော်ယေရှုဟ သူ့နို့ဝို တိုက်ရိုက်ကေ့ပီး "အဲမိုဇာဟ လူဒွေတွက်မဖြစ်နိုင်ဘေမဲ့ ဘုရားရှင်တွက်ဟလော ဖြစ်နိုင်လေရယ်" ဆိုပီး မိတော်မူလေရယ်။

အဲဂျော့ရိ သူနို့ဟ လူနှေ့ယော့မုဘဲန ယော့ဒဲဖြစ်ရားဂေ့လေရယ်။ အဲဂျော့ ဘုရားရှင်တွဲဖက်ပေးရားဝို လူဒွေဝို ကွဲကွာအော် လုပ်သင့်ရ။" ဆိုပီး မိတော်မူလေရယ်။

ကိုယ်တော်ဟလည်း "နန်းနို့ဟ 'ဘာဦးစမှာ ဘုရားရှင်ဟ ယော့ကျားနမီးမဝို ဖန်ဆင်းတော်မူရယ်။ အဲမိုဂျော့ ယော့ကျားဟ သူ့ ဖ န မိဝို စွန့်ခွာပီး သူ့ဇနီးမယားန တူတကွပေါဖက် နေထိုင်ရပြီး သူ့နို့နှေ့ယော့ဟ ကိုယ်ခန္ဓာခုထဲနေန ပူးပေါသွားဂေ့လိမယ်။' ဆိုပီး ကျမ်းစာမှာ ရေးသားရားဇာဝို ဖတ်ဖူးဂေ့ရလော။

အယ်ဘေမဲ့ ကိုယ်တော်ယေရှုဟ "သားဂန်းရားဒွေဝို ငါ့ဆီလာခွမ့်ပြုလိုက်ပါ။ သူ့နို့ဝိုတားမြစ်ပါန။ ဟဲဖြစ်ရိဆိုဝါ ရွှေဗြို့တော်ရဲ့သာသနာတော်ဟ သားဂန်းရားမျိုးလူဒွေန သက်ဆိုင်ရိတွက်ဂျော့ဖြစ်ရယ်။" ဆိုပီး မိတော်မူလေရယ်။

အယ်ဘေမဲ့ ခု ကီးမြတ်နေဝိုလူဒွေဟ နှိခလခံရမှာဖြစ်ပြီး ခု နှိခလဂေ့ဝိုလူဒွေဟ ကီးမြတ်ဂေ့ရမှာဖြစ်ရယ်” ဆိုပီး မိတော်မူလေရယ်။

ငါ့မည်နာမတော်ဂျော့ အီဝိုဖြစ်စေ၊ ညီကိုမော်နှမ ဒွေဝိုဖြစ်စေ၊ ဖနမိဝိုဖြစ်စေ စွန့်လွှတ်နိုင်ဝိုလူဒိုင်းဟ နိစထာဝရသက်ဝို လက်ခံရရှေ့ဝို့ပြင် သူ့နို့စွန့် လွှတ်ရစ်ဝိုဇာဒွေထက် ဆတစ်ရာပိုပီး လက်ခံရရှေ့ဂေ့လိမယ်။

ကိုယ်တော်ယေရှုဟ အဲမိုလူငယ်ဝို "နန်ပိုင်ဆိုင်ဇာမှန်သမျှဝို ရောခလပြီး ဆင်းရဲသားဒွေဝို ပေးကမ်းရယ်ဆိုဝါ နန်ဟ ရွှေဗြို့တော်မှာ ဥစ္စာဘဏ္ဍာဝို ရရှေ့လိမယ်။ ပြီးရယ်ဆိုဝါ ငါ့နော့ဝိုလိုက်ခဲ့ပါ။" ဆိုပီး မိတော်မူလေရယ်။

အဲခါ ကိုယ်တော်ဟ အဲမိုလူဝို "ဟဲရာဟ ကောမြတ်ရယ်ဆိုဝိုကြောဝို နန်ဟ ငါ့ဝိုဟဲဖြစ်ရိမေးရနူး။ ကောမြတ်ဝိုသူဟ ဘုရားရှင်ဘားဒဲဘဲ့ရှေ့ရယ်။ နန်ဟ နိစထာဝရသက်ဝို ရရှင်ရယ်ဆိုဝါ ပညတ်တရားဒွေဝို စော့ထီးလော့။" ဆိုပီး မိတော်မူလေရယ်။

နန်းနို့ဝို ငါထပ်ပီးပြောရမယ်ဆိုဝါ လူချမ်းသာဒွေဟ ဘုရားရှင်ရဲ့သာသနာတော်ဝို ဝမ်ရော့ဝို့ထက် ကုလားအုတ်တစ်ဂေါ် အပ်နဖားပေါ့ထဲဝို ဝမ်ရော့ဇာဟ ပိုပီးလွယ်ကူပေရယ်။" ဆိုပီး မိတော်မူလေရယ်။

အဲဂျော့ရိ နန်းနို့ဝို ငါပြောရှင်ဇာဟလောဝါ ယော့ကျားတယော့ဟ သူ့ဇနီးမယားဝို အီထော်ရေးဖော့ပလန်ဇာဂျော့မုဘဲန ကွာရှင်းပီး နော့မီးမတယော့ဝို လက်ထပ်ရယ်ဆိုဝါ အဲမိုယော့ကျားဟ အီထော်ရေးဖော့ပလန်ရာရော့ပါရယ်။ ကိုယ့်ရဲ့ဇနီးမယားဟ အီထော်ရေးဖော့ပလန်မှုဝို ကျူးလွန်မှဘဲ့ လန်ယော့ကျားဟ ကွာရှင်းခွမ့်ရှေ့ရယ်။" ဆိုပီး မိတော်မူလေရယ်။

အဲနော့ ကိုယ်တော်ဟ သူ့ဗြိဒွေဝို "နန်းနို့ဝို ငါမှန်တိုင်းပြောရမယ်ဆိုဝါ လူချမ်းသာဒွေဟ ရွှေဗြို့တော်ရဲ့သာသနာတော်ဝို ဝမ်ရော့ဝို့ ရားဒိုင်းခက်ခဲဂေ့လေရယ်။