Beliebte Verse in ماتّا 6

Teilen

لهوات زوار س‑تگلديت ن‑ربّي ءولا س‑ما‑ت‑يرضان س‑اون‑يزوويد كولّو تيغاوسيوين‑ان ياضني.

ا‑ور‑تّاسيم تاغوفت ءي‑وزكّا، اشكو ازكّا ءيژضار ءي‑تاغوفت‑نس. تقادّا‑تمّارا ن‑غاسّاد بلا‑دي‑تزوويدم تين‑وزكّا.

«راد‑اون‑ينيغ، ا‑ور‑تاسيم تاغوفت ءي‑تودرت‑نّون ف‑ما‑را‑تشّم ءولا ما‑را‑تسوم، ءولا ءي‑دّات‑نّون ف‑ما‑راد‑اس‑تلسم. ءيس‑ور‑توف تودرت امشّو؟ ءيس‑ور‑توف دّات تيملسيت؟

ءيمّا كيّي غاكود نّا‑تريت ا‑تژّالّت، كشم س‑تحانوت‑نّك تقّنت تيفلوت تژّالّت ءي‑باباك لّي‑ينتلن، را‑ك‑يبارك باباك لّي‑يژرّان ما‑ينتلن.

«ءيمّا كونّي تژالّايات غمكاد: ‹وا‑باباتنّغ لّي‑يلّان غ‑يگنّا، ا‑ييلي لوقر ءي‑يسم‑نّك، تاشك‑يد‑تگلديت‑نّك، ييلي ما‑ك‑يرضان غ‑دّونيت غمكلّي ءيلّا غ‑يگنّا.

فك‑اغ‑د غاسّاد اغروم ءي‑واسّ‑اد،

تصامحت‑اغ ف‑لخُشانت لّي‑نسكر، غمكلّي نصامح ءي‑ويلّي گينّغ سكرنين ما‑يُخشنّ.

سّانف‑اغ ءي‑ما‑راد‑اغ‑يجلّو، تجّنجمت‑اغ زغ‑يبليس.›

«ءيغ‑ا‑تّصاماحم ءي‑مدّن ف‑دّنوب لّي‑گيگون‑سكارن، راد‑اون‑يصامح باباتون ن‑يگنّا.

ژرات ءيگضاض ن‑يگنوان، ءور‑ا‑كّرزن ءولا‑دا‑مگّرن ءولا‑دا‑سّمونون صّابت غ‑يحونا، والاينّي باباتون ن‑يگنّا ار‑اسن‑ياكّا امشّو لّي‑حتاجّان. ءيمّا كونّي ءيس‑ور‑دارس‑تعزّام ءوگُّار ن‑يگضاض؟

«ا‑ور‑تسّمونوم ايدا غ‑دّونيت‑اد ءيلّيغ را‑تي‑تشّ‑تووكّا تغوي‑ت تانيگت غزن‑ين سرس ءيمخّارن ا‑ت‑اكُرن. والاينّي سّمونوات‑ن ايدا غ‑يگنّا ءيلّيغ ءور‑را‑تي‑تشّ‑تووكّا ءولا تغوي‑ت تانيگت ءولا غزان سرس ءيمخّارن ا‑ت‑اكُرن. اشكو ءينّاغ ءيلّا‑وايدا‑نّك ا‑غ‑را‑ييلي‑وول‑نّك.

«ءور‑را‑ييژضار يان ا‑يقاسا سين ءيد‑سيديس. ءيمّا را‑يكرهو يان ييري وايّاض، نغد را‑يتوقّار يان ءيحگر وايّاض. ءور‑را‑تيژضارم ا‑تگم ءيسمگان ن‑ربّي د‑وين‑وايدا.

ار‑يسّلسا ربّي توگا ن‑تاگانت لّي‑يتمغاين غاسّاد تّياوگار‑ن ازكّا غ‑تاكات. ءيس‑ور‑را‑كُن‑يسّلس ءولا كونّي س‑وگُّار؟ ءيس‑ور‑تومينم س‑ربّي؟

ءيمّا كيّي غاكود نّا‑را‑تفكت ءي‑يمژلاض، ا‑ور‑ييسّان‑وفوس‑نّك اژلماض ما‑يسكر‑وفاسي. اكّا غ‑تنتلا، تيلي‑اك لباراكا دار باباك لّي‑يتمنادن كولّو ما‑ينتلن.

«رارات لعاقل ا‑ور‑تّيريم ا‑تسكارم ءيفولكيتن‑نّون غ‑لگدّام ن‑مدّن باش ا‑كُن‑ژرن. اشكو ءيغ‑ا‑تسكارم غمكان ءور‑راد‑اون‑تيلي كرا لّباراكا دار باباتون لّي‑يلّان غ‑يگنّا.

«ءيغ‑ا‑تّاژومّ ا‑ور‑تسكارم زوند ايت‑سين‑وودماون لّي‑كّرسنين ءيگنزي‑نسن باش اد‑سّبايّنّ ءي‑مدّن ءيس‑اژومن. لحقّ ا‑راد‑اون‑ينيغ، مايان كا‑راد‑اسن‑ييلي. ءيمّا كيّي غاكود نّا‑تّاژومت سيرد ءودم‑نّك تسرفت ازّار‑نّك ا‑ور‑ييسّان يان ءيس‑تاژومت ابلا باباك لّي‑ينتلن. را‑ك‑يبارك باباك لّي‑يتمنادن كولّو ما‑ينتلن.