Beliebte Verse in يرقّاسن 2

Teilen

ءيساول بطرُس ييني‑اسن: «فلات كولّو ما‑تسكارم يُخشن، ءيدّم كود يان گيگون غ‑وامان س‑يسم ن‑ياسوع لماسيح، اد‑اون‑يصامح ربّي ف‑دّنوب‑نّون ءيفك‑اون لباراكا ن‑رّوح لقودوس.

ار‑كولّو‑تلهون س‑ولمّود ن‑يرقّاسن ءولا تامونت ن‑ينگراتسن ار‑تبّين اغروم ار‑تژالّان ءي‑ربّي.

عمّرن كولّو س‑رّوح لقودوس، بدون ار‑ساوالن س‑يواليون ءيغريبن غمكلّي‑اسن‑تن‑يفكا رّوح لقودوس.

سفلدن ءيلمّا ءي‑يات تيجّيجت توشكا‑د زغ‑يگنوان تعمّر تيگمّي لّي‑غ‑گاورن زوند اضو ءيتجهّدن. ژرن كرا ءيرواس تيمزليوين لّعافيت، بضونت تتّرس يات ف‑كرايگاتّ يان گيسن. عمّرن كولّو س‑رّوح لقودوس، بدون ار‑ساوالن س‑يواليون ءيغريبن غمكلّي‑اسن‑تن‑يفكا رّوح لقودوس.

اسّ ف‑واسّ ار‑تمونون كولّوتن غ‑تگمّي ن‑ربّي، ار‑تبّين اغروم غ‑تگُمّا‑نسن ار‑شتّان ءي‑نگراتسن س‑نّييت د‑لفرح ءيگّوتن، ار‑تالغن ربّي. ءيمّا ايت‑تمدينت ار‑كولّو‑فلّاسن‑تّينين ءيس‑باهرا‑فولكين. كرايگاتّ اسّ ار‑اسن‑يتزاياد سيديتنّغ غويلّي نجمنين.

‹غ‑ووسّان گُّرانين را‑ن‑زّوگزغ رّوح‑ينو ف‑كولّو مدّن. راد‑ساوالن تاروا‑نّون د‑يستيتون س‑يواليون لّي‑راد‑اسن‑اكّاغ. راد‑تيسفيون ءيعيّالن‑نّون ماد‑اسن‑مالاغ. راد‑توارگان ءيفقّيرن‑نّون س‑ماد‑اسن‑سّبايّانغ.

ءيمّا غويلّي ءومنّين س‑ياسوع ار‑كولّو‑تمونون ار‑اكّان ءي‑نگراتسن. ار‑زّنزان ايدا‑نسن د‑تغاوسيوين لّي‑طّافن، ار‑ت‑اطّون ف‑ويلّي گيسن حتاجّانين، كود يان د‑ونشك لّي‑ف‑يلكم.

د‑كولّو وانّا ءيزاوگن غ‑يسم‑نس، را‑ينجم.›

را‑تلّاس تافوكت ءيژگُّاغ‑وايّور زوند ءيدامّن، ءيروح‑د‑يلمّا‑واسّ ءيهيّان لّي‑غ‑را‑د‑ياشك سيديس ن‑بنادم س‑لمجد ءيگّوتن.