Beliebte Verse in Juan 17

Teilen

Mewẽ tsai ikũkui shinakata inuwu naskata bia ikũirakui wanuwu.

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

“Ẽ udua tapibiswu wisti ẽ atu kiwĩxuiba. Wetsawaweri ewẽ tsai ẽ udua dikakakĩ ea ikũira waaxikadi naawu ẽ atu kiwĩxui. Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.

Ẽ bia ñukaiba yura chakawu adua mi atu iwinu. Askataba ẽ bia ñukai yura chakawu adua mi atu kexesharanu Satanáspa atu aweskawayabanu.

Na bitsisipa ea mia inadi ẽ naariwi atu inabis na wisti inuwu na nu ikai keskai miiwe ẽ nu naa wisti. Mi ewe ika keskara ẽri atuwe ika. Na mi shinai keskarawu nuri shinatiru yura chakawawe tapinuwu mi ea nichidi. Na mi ea duiyai keskarariwi wakĩ mi atu duikui.