Beliebte Verse in Lukah 8

Teilen

Na wini nama manaꞌu ta tana makabokahu mearana natou nama ranguya nawini nou, manga naɓijaluya ta atina nama kalungu ʄaka nama luruh. Hiɗa pajukanya na manninguɗa ʄaka ɗawua pangalang.”

Na wini nama manaꞌu ta paɗua libbu rii mearana natou nama ranguya na wini nou, ʄiaɗinguka ɗadadarunya na morikuɗa, ɗabuhanya namorik tomang ʄaka ɗeɗi ta pinu-tana. Ngaladukaɗa hou nakaɗipituha ʄiayaka hidana matua ɗawuaɗa.

Na wini nama manaꞌu ta ruggu watu mearana natou nama ranguya nawini nou, nakaaya waingu egi ati. Jiaɗinguka nawini nou dana palolumangu ta atiɗa, na manninguɗa dana maɗeimang, a amikanyak nama pakaka dana hilu mannimanguha.

Hi Yehu wina ta ana pahakoala-Na, ‘‘Ga nyiami hidami manni-Ga Nyouwa?” Kaɓarra ʄaka mangeꞌatɗanyaka. Hiɗa meara patutur wikiɗ, “Gearaya natou nei, lapakung na pareahaya na ngillu ʄaka na ngalung, hina manudu!”

Na wini nama manaꞌu ta larangi mearana natou nama ranguya napatiki nou. Jiaɗinguka aminya hi paɗibang ana parimananya waling ta atiɗa, abi ɗamanninya ʄaka abi ɗamanumara awina.

Da eimang baaru nama kaɓuning dapa ita; ʄaka na papakappa dama tawehar ʄaka dahapeang.

Na mawinni nou napaɗa wikina nahawoluna ana peananya. Kadadaknanyaka na ihina ʄaka aminya ana karaɗa ta hagana hi Yehu. Manga hina lolukuya na hiɗuna ta haga tou ɗangu, ʄaka gikineina ana ɗeɗaya hi Yehu, ta rahi nou ʄella hina ailolu teggahu. Hi Yehu winanya, “Ak anaG, na manningumu, napamanumarawuka. Halakuya waing moili ati.ʼʼ

Ɗa ana pahakoala-Na hi Yehu ɗahalaku lipa ɓangi-Nya. Wiɗanya, ‘‘To Gurru, To Gurru, matidanyaka ya!” Hi Yehu kiɗinanyak manga hina gagutuya na ngillu ʄaka na ngalung nama ɓakul. Na ngillu ʄaka na ngalungu nawaʄa manga na tamma hina kawannar.