Beliebte Verse in Hakaroma 3

Teilen

Yoyishi wahe ha harurire, no mbadi ha yerana kughufumu waNyambi oghu gha turekerire munu. Ene wo hana kuwana thin̂eke nyara‐nyara mughuhunga pamakomweneno ghaKristus Jesusi.

Oghu ne ghoghuhunga ghopamatawero mwaJesus Kristusi. Ghuhunga ghu gha tapa Nyambi kwawatawi wahe. Eyi ne yapira makutjakero.

Aye gha mu tapire Nyambi eshi gha kare muyambo pamanyinga ghendi, agha gha shemwithanithire hakakutawa. No muyinu yino, po gha neghedhire Nyambi eshi Aye ne mukaghuhunga. Yino ya kona kukara kemo, yoyishi Aye mbadi gha mwashurire wangu maharwero mughudhughutjima wendi. Aye gha mu tapire Nyambi gha kare muyambo. Karo paPendi gha ne ghedhire munako dhodho eshi Aye ne muhunga. Papendi yarikanya yoghuhunga wendi no gha tetera ghuhunga kwakeheyu ghokutawa mwaJesusi.

Yodigho, mbadiko munu yu mbo gha kara mughuhunga kughutho waNyambi pamuragho. Karo kemo munu gha kuhonga pamuragho eshi nye diharwero.

Yapwa kutjanga eshi: “Mbadiko yu ghomuhunga, noyofotji temba, mbadiko mukamaghano, noyofotji temba yu ghana kushana mahimeno ghaNyambi. “Waheya ha yongara, waheya ha tenda ghuyi. Mbadiko yu ghokutenda ghuhunga, noyofotji temba.

Yighayara yetu, kehe munu ngo gha hungame mumatawero, kadi pakukoneka muragho.

Mbokapwe. Ya kara po eshi, Nyambi ne mukaghushemwa na kehe munu ne mukambango, thika di ha yitjanga eshi: “Owe ne ghomuhunga ngeshi ku ghuna kupangura no ghuna kuwitha ngeshi ku hana kuhetera thinu.”