Beliebte Verse in KEJADIAN 12

Teilen

Eng doh Ngog hek kenon-cenok de jeoi, ru enai doh naijadi nanek bangse de entoi. Eng doh Ngberkat hek ru Ngpejadi muh hek bikenal lei hek hajadi berkat ha bangse-bangse kilek. Eng doh Ngberkat sengoi de naiberkat hek, ru Eng doh Ngpecelaka sengoi de naipecelaka hek. Dikdij bangse ku bumi doh biberkat melalui hek.”

Yahweh Kiurok nu Abram, “Dekloh lengrik hek, sedara-mara hek, ru deg apak hek. Etloh nu lengrik de doh Ngternyol nu hek.

Abram kidek ju pekan Haran, kena begei ma de bior ya Yahweh nu kek. Ku mase ajeh, umur Abram 75 tahut. Abram kiet nu tik Kanaan besama ru ikenah, Lot ikenon sedara, ru naien dikdij harta ru hambe-hambe de naikep ku pekan Haran. Telas nailei ku Kanaan

Ku pajehloh Yahweh Kiperneng Ilei nu Abram ru Kiurok nu kek, “Adehloh tik de doh Ngog nu kenon-cenok hek.” Telas ajeh Abram kibeh nanek tempat ennog pesembahan ku pajeh ha Yahweh de ya Kiperneng Ilei nu kek.