Beliebte Verse in إنجيل مَتَّى 19

Teilen

و طالع فيهم يسوع و قال ليهم: «هدا الشي مستحيل عند الناس. و لكن عند الله، كل شي ممكن!»

و من يرتبطوا ببعض ما يُعتَبروا جسدين أثنين، لكن جسد واحد. و إلا يجمعهم الله ما يقدر يفرقهم إنسان!»

و رد عليهم و قال: چى ما قريتوا الاية إلا تقول: «هو خلقهم من بداية الخلق دكر وأنثى،» و قال بعد: «عشان چدي يترك الرجال أبوه و أمه ويتحد ويا زوجته، و يصيروا إثنينهم جسد واحد.

و لكن يسوع قال: «خلّوا الجهال الصغار يجوا ليي ولا تمنعوهم، لأن ملكوت السماوات بصير للناس إلا زيهم!»

و في واجد ناس في المقدمة بيصيروا في الأخير، وفي ناس في الأخير بيصيروا في المقدمة!»

أي واحد فيكم ترك بيوت أو أخوة أو خوات أو أبو أو أم أو أولاد أو أراضي و مزارع بسبب أسمي، فهو بيحصل على مية ضعف وبيورث الحياة الأبدية.

و جاوبه يسوع: «إدا بغيت تصير كامل، روح وبيع كل ما تملكه، و وزعه على الفقارا، و بيكون ليك كنز في السماوات. وبعدين تعال و أتبعني!»

و رد عليه يسوع و قال: «إلاويه تسألني عن العمل الصالح؟ واحد هو الصالح. و لكن، إدا بغيت تحصل على الحياة، أعمل بالوصايا.»

وبعد أقول ليكم: سهل إن يدخل الجمل في خرم إبرة، من إن الغنيّ يدخل ملكوت الله.»

و هداني أقول ليكم: «إلا يطلّق مرته لسبب غير الزنا، ويتزوج وحدة غيرها، فهو يُعتبر زاني. و ألا يتزوج وحدة مطلقة، فهو يتعبر بعد زاني.»

و قال يسوع لتلاميده: «بأمانة أقول ليكم: ترى صعبه على الغنيّ إنه يدخل ملكوت السماوات.