Beliebte Verse in التكوين 17

Teilen

و یوم صار عمر أبرام تسعة و تسعین سنة، ظهر له ﷲ الحَيّ و قال له

و من الحین و رایح ما بيكون إسمك أبرام و معناه أبرامي و لكن بغیره لإبراهیم و معناه أبو الشعوب، لأنّي بخلیك أبو لشعوب واجد.»

و بخلّي هالعهد بیني و بینك، و بعد بیني و بین نسلك جیل بعد جیل للأبد.

«شوف هدانا أنا مسوي هالعهد بیني و بینك و بتكون أبو لشعوب واجد.

وﷲ قال له: «لكن، سارة بتجیب لك ولد و بتسمیه إسحاق. و معناه أضحك. و بصیر بیني و بینه و بیني و بین نسله عهد أبدي.

وبكون أنا إله لك، و لكل نسلك إلا بيجوا بعدك. و بعطیك و دریتك الا من بعدك كل هالأرض الا مشیت فیها وصرت فیها غریب، یعني كل أرضّ كنعان الا أنت عایش فیها - ملك للأبد، وبكون أنا إلهم.

وسجد إبراهیم على الأرض و إنبطح بطوله لله و قام يضحك بالسكته و قام یقول: و إبراهیم قال في نفسه: الحین منهو بجیب أولاد وهو صك المیة؟ ویش بخلّي سارة تحمل وهي عمرها تسعین سنة؟

و بعدین الله قال له: «و أما ساراي زوجتك لا تسمیها ساراي، من الیوّم و رایح بيكون إسمها سارة و معناه: أمیرة الكل.

و تسوّوا چدي تختنوا راس كل عضو الدكر و بتكون علامة العهد بیني و بینكم.

و أما عهدي الا عطيتك اياه بالنسبة لإسحاق الا بتجیبه لك سارة، بصیر السّنة الجايّة زي هالوقت.»

إختنوا كل دكر لما یصیر أبو تمانیة أیّام، سواء كان مولود لك والا إلى غیرك إدا مشترینیه بمبلغ معین من الفضّة من عند أحد غریب مو من لحمك و دمك. زي ما قلت ليكم، كل مولود دكر لازم یتختن، سواء انولد في بيتك لو انشرى بمبلغ من الفضّة، و هدا بيكون عهدي في لحمكم للأبد.