Beliebte Verse in Nkwɔ Ɛfɛsɔs 4

Teilen

Tɔ́ŋ ká batɨ bɛrɨ, mǎngɔ bhɔ ntínso. Nɛ foŋorí nɔ́kɔ́ ká batɨ mbɔ ɛnyǔ Mandɛm áfʉɛ́rɛ́ ntá Kristo afoŋori bhe.

Bɔ́ŋ ká nɛsɛptímʉɛt nɛnkɛm. Bǎkɛ́ bhak gum gum nɛ bho. Bɔ́ŋ ká ɛkɛ́bhɛ́ntɨ. Tɔ́ŋ nɔ́kɔ́ ká batɨ ɛkɔŋ, mǎnsɔt bhɔ mbɔ ɛnyǔ bachi.

Yɛ̌ ɛbɛ́ptí ɛyɔŋ ɛ́kɛ́ fu be anyu. Dɛm nɔ́kɔ́ ká chi mɛnyɨŋ ɛbhɛn bɛ́kwàk bo mántaŋ ndǔ mbi Mandɛm mbɔ ɛnyǔ yɛ̌ntɨkɨ mmu ábhɔ́ŋɔ́ bɛgo. Mmu abhɔŋ bɛrɛm chi ɛnyɨŋ ɛnɛ ɛ́kwak abhɛn bághòk yi.

Dɔ̌ ká nkaysi bɛyǎ mpap, nɛ bɛběntɨ, nɛ ɛchoko-ntɨ, nɛ bɛ́táŋá, nɛ bɛchɔŋti manyɛ́n batɨ, nɛ yɛ̌ntɨkɨ nkaysi bɛkʉ batɨ bɛbʉ́.

Mbák mmu ywɛka aběntɨ, ákɛ́ rɔ bɛběntɨ bhi mɛnto yi ndǔ bɛbʉ́, nɛ ákɛ́ bhʉɛrɛ bɛběntɨ antɨ ndǔ nywɔp nɛnkɛm. Kɛ́chyɛ ka Satan mbi bɛ́ ándwɔ́ mmu ankʉ bɛbʉ́.

Fɛrɛ́ yɛ́ ka ɛsɨ́ mkpá ayɛka anɛ áchyɛ̀ nyaka be ɛbɛ́ptí ɛkakánɛkɔ. Bɛbɛ́ptí mɛnyɨŋ ɛbhɛn mǎŋwaka nyaka bɛkʉ bɛ́rwɔ̀ nyaka bhe nɛ mɛ́nchɔŋti nɔkɔ batɨ̌ yɛka amɛm. Dɔ̌ ká Mandɛm ankʉ mǎmbak bǒ bakɔ ndǔ batɨ yɛka bɛ nkaysi ywɛka ámbák nkɔ. Nɛ yɛ̌ntɨkɨ mmǔ ywɛka abhɔŋ bɛ́fyɛ mkpá nkɔ anɛ Mandɛm aghoko, bɛ ámbák mbɔ yímbɔŋ. Mkpá nkɔ yɔ chi ɛpɨŋ ɛkɔ ɛnɛ ɛchi chak tɛtɛp bɛsí Mandɛm, nɛ ɛchi nyáŋá tɛtɛp.

Bɔ́ŋ ká bɛyǎ ɛkwak ndu bɛkɛm nɛchɛmɛ́mʉɛt ɛnɛn Ɛfóŋó Bɛdyɛrɛ ákʉ́ mǎmbɔŋ bɛfʉɛt ndǔ kpák anɛ ágwɔ̀t bhe nɛ batɨ̌ bǒ Kristo.

Nɛ yi kɛ ákɔ́rɛ́ akap ntá bho. Ntá mbɔk, achyɛ́ akap bɛbhak bǒnto. Ntá bachak, achyɛ́ akap bɛbhak barɛmɛ́ kɛpɨ̌ntɨ. Nɛ ntá abhɛnɛfu, anɛ bɛghati bho Mbok Ndɨ́ndɨ́, nɛ achyɛ́ mbɔk akap bɛbhak babhabhɛri. Kristo ákʉ́ nɔ bɛ bo mankɛm abhɛn yi áchyɛ́ batí bɛtɨk ayɔ, mánkwak bo Mandɛm bɛ mánkwáy bɛkʉ bɛtɨk ɛbhi ɛnyu ɛnɛ mmʉɛt Kristo átaŋ andɔk nɔkɔ chi ambɨ. Ndu ɛchi nɔ, chɔŋ bɛsɛ mankɛm sɛndɔk ambɨ mɛnoko Mmɔ Mandɛm, nɛ ndu bɛrɨŋɨ yi ɛnyu ɛ́mɔt. Mbák sɛ́chí ɛnyu ɛyɔ, chɔŋ sɛ́ngo sɛ́nsɛnɛ, nɛ sɛ́naŋa bɛbhak mbɔ Kristo.

Sɛ́kɛ́pɛrɛ bhák bo abhɛn bachi mbɔ mɔ́áchwi anɛ mpɛ́rɛ́nyɛn ɛ́dɛ̀p ɛ́ntɛn ɛbhé ɛ́mɔt, ɛ́ndɛp ɛntɛn ɛbhé ɛchak mpok batɔŋɔ́ nse bárwɔ̀ bhɔ nɛ nsé yap. Batɔŋɔ́ nse bhɔ bákʉ̀ bo manɛm ɛbhɨ ndu bákòŋo baraká nse anɛ bɔ́ bátɔ̀ŋ. Ɛnyɨŋ ɛnɛ sɛ́bhɔ́ŋɔ́ bɛkʉ chi bɛkɔŋ batɨ, nɛ bɛrɛm chi mɛnyɨŋ ɛbhɛn bɛchi tɛtɛp ɛ̌ti Mandɛm bɛ sɛ́ngo nɔkɔ ndǔ yɛ̌ntɨkɨ mbi kpátɛ sɛ́ndɔp chi mbɔ Kristo mmu achi ntí ntá Nkwɔ Kristo.