Beliebte Verse in Roma 2

Teilen

Mpa kete mtyetak tomwat walyetar nir ngriar ma mtyak Ratu ma nukun sir. Safo kmi desar e, myose ngriar ma farane nbal, mpa kete mdyaun feti keta Ratu to nukun a kmi. Ma kete mdyaun feti Ratu Ni dalamy ngamone ma nlie nlengan ma nfatutu ber a kmi a ne to ubany. Ma kete mdyaun feti I nsabar la ndaf a kmi. Mpa ka mifai feti Ratu nfatutu Ni dalamy ngamone ber a kmi a ne nema mtyate mir salar.

Wangur, ali mpear a kmi mampe mfyasale tomwatar ma mdyaun feti to mir sal ye? Farlan kmi mfyasale tomwatar iane feti kmi mfyasale mbyali kmi, fali kmi myose kabain yatkar farlan sir a nbal.

Fali Ratu to nasalan sou.

Fali Ratu keta to nafdiat tomwatar ma rdengar motak tetetkar ma nal ber Musa ne, nempa nafdiat sir ma rdengar ma rose rlarat tetetkar a ne.

Ma keta I nbalas ber tomwatar rlarat safe ma sir rose ne.

Nempa tomwatar ma rdaun lan tenir, to rose rlarat Ratu Ni mpempeang, rose kabain yatkar, keta Ratu nfatutu Ni resar ma nukun sir.

Nempa ulmir arwaluk ma to mpyeang ma mtyate mir salar. Iane nwayat ma Ratu nukun a kmi ntafal ma maberat desar. Na lere ma Ratu nfatutu Ni resar keta nukun tomwatar nor malonri.