Beliebte Verse in Pin'ilʋg 17

Teilen

Abram da an yʋma piswai nɛ awai la ka Zugsɔb nie o mɛŋi pa'al o, ka yɛl ye, “Man anɛ Wina'am Onɛ Galis; dɔl mam nɛ pʋpielim.

Ba kʋ lɛm buonnɛ fʋ yʋ'ʋr ye Abram ya'asa, fʋ yʋ'ʋr na anɛ Abraham, bɔzugɔ m na kɛ ka fʋ lieb buudi bɛdegʋ yaab.

Man na kɛ ka m nɔnaar kanɛ ka m maal man nɛ fʋn teŋsʋk la bɛ saŋa kanɛ ka' naarɛ, hali ti paae fʋ yaas banɛ na dɔlli fʋ nya'aŋ na. Man na an fʋn nɛ fʋ yaas wʋsa Wina'am.

“Mam nɔnaari nwa' ka m tisidif. Fʋ ye fʋ lieb nɛ buudi bɛdegʋ yaab.

Ka Wina'am lɛbis o ye, “Ayei! Fʋ pu'a Sara na du'a biribiŋi tisif, ka fʋ na pʋd o yʋ'ʋr ye Isaak. Ka m na maali m nɔnaar nɛ on nɛ o yaas ka li bɛ saŋa wʋsa.

M na nɔk Keenan teŋ la wʋsa tis fʋn nɛ fʋ yaas saŋa linɛ ka' bɛnnɛ, ka na aan ba Wina'am.”

Ka Abraham lɛn vanbin teŋin na'as Wina'am amaa ka la' yɛl o sʋʋnrin sa ye, “Dau na niŋ wala an yʋma kɔbiga ka lɛn nyaŋi du'a biiga? Sara na nyaŋi du'a biig ka an yʋma piswai laa?”

Ka Wina'am lɛn yɛl Abraham ye, “Da lɛm buonnɛ fʋ pu'a la ye Sarai, yʋ'ʋn buolim o ye, ‘Sara.’

Asɛɛ ka ya kpɛn' baŋʋ ka li lieb nɔnaar kanɛ bɛ mam nɛ fʋn sʋʋgin.

Amaa li anɛ fʋ biig Isaak onɛ ka Sara na du'a yʋʋm anwana win la na paam mam nɔnaar bareka la.”

Ba ya'a du'a biribiŋ wʋsa asɛɛ ka ba kpɛn'ɛs o baŋʋ daba anii daar. Nwa' ka'anɛ fʋn nɛ fʋ yidim ma'aanɛ, amaa sankpan'as banɛ ka ba du'a ba fʋ yin, nɛ banɛ ka fʋ da' teŋ si'a na wʋsa. Ba wʋsa kpɛn'ɛm baŋʋ, banɛ ka ba du'a fʋ yin nɛ banɛ ka fʋ da' nɛ ligidi. Nɔnaar zanbin kaŋa na bɛ saŋa wʋsa.