Beliebte Verse in MARKA 6

Teilen

Mi a ciah leh a kuan kiphamat uh ahih manin Jesuh le a nungzuite in annek nading hun nangawn nei man lo uh hi. Tua ahih manin Jesuh in, “Ei guak i om theih nading mun khatah paikhia ni; tua lai-ah na tawlnga thei ding uh hi,” a ci hi.

Tua ciangin Jesuh in amaute kiangah, “Kamsang khat pen, ama khua, ama behte, le ama innsung longal-ah kizahtakin pahtawina a ngah hi,” a ci hi.

Jesuh, tuigei a tun ciangin mi tampi a na omkhin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Tua hi a, cina tawmkhatte tungah khut nga-in a damsak cih simloh, tua lai-ah nalamdang lian bawl thei lo hi. Amaute in amah a uploh manin lamdang a sa mahmah hi. Tua ciangin tua kiima om khuaneute-ah thuhilhin a pai kawikawi hi.

Tua ciangin Jesuh in a anlum nga le a ngasa tawn nihte la a, vantung lam ento-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi. Amaute khempeuh in ne-in a kham uh hi. Tua ciangin nungzuite in a kikhamval anlum le ngasa khawm uh a, paipel sawm le nih a dim hi.