Beliebte Verse in MATTHAI 2

Teilen

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a, “Jew mite’ kumpi ding ahi naungek a hong suak pen koi lai-ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Tua aksi a muh uh ciangin a lungdamna uh kigen thei lo hi.

Herod kiangah a kihilkik loh nadingun a mang sung uhah Pasian in hilh ahih manin, lampi dang tawnin a gam uhah a ciahkik uh hi. Tua mipilte a ciah khit uh ciangin Josef’ mang sungah Topa’ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.