Beliebte Verse in MATIYO 28

Teilen

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu, muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

Ɓadi malayika ile irenge umurongo, iambia watruwashe wale: «Mwasuriye wanyu. Nisujua amba musumuzunguha Insa, ule aka aremwa mizumari hari mwa muri wa pawa. Kasi v̄anu, aregezewa hayi, mauri ɗe inamuna aka arongoa. Namuje muone v̄ahanu aka aladzwa.

Wakati ule Insa awaambia: «Mwasuriye; namwendre mwaambiye wananyangu wandre Galilaya; oho ɗe v̄ahanu watsonionao.»

Na wao ɓaanda wangulidzana v̄umoja na uwaɓole, walawana shuwara wav̄a madjeshi yale fedha ha uwengi, na uwaambia: «Namurongowe amba: ‹Maswihaɓa yahe yaja yamuhiɓi uku wakati raka rasindzia.› Neka dhwamana wa daula azikia, wasi ritsomutrulidza, rimutoweni hari mwa taãɓu.» Ɓas, magogezi yale yarenge zimarike, wafanya namuna waka waambilwa. Na haɓari ile ienea yaMayahudi ata ileo ini.