Beliebte Verse in Matè̌ 3

Teilen

Sî kè̌ yò̤lǎ̤plǎdî̌ mè̤̌mî̌ca sî nǎ̤ kè̌hî̌dě dǔlè̌lṳ̌ lô̌khô sî ta̤ô̌htûpwa̤ tokhlǒ kû̌ sî ta̤bè̌ sî sǎphlǒsǔshi sîtokhlǒ.

Htodě alě̤pwe̤htò̌ dǒ mǒkhû̌ tômû dě a hî̌ kû̌, “Hǒtôpwa̤ mî̌ hephû̌pwa̤khû dǒ he mô̤ǐyǎ dě a ma̤mô̤ he sǎphlǒ tôpwa̤.”

Bǎ Yeshǔ juhto anǎ̤ kû̌ shi dě a ihtǒ dǒ shikla kû̌ Cǒmara bǔmô mǒkhû̌ takha. Dě a kè̌shǐ Cǒmara a Yôla Plò̌shǐ hèlò̤ ô̌ dǒ alô̤ sô̌sô̌kû̌ htû̌lǐ̤nu.

“Dǒ sî yò̤lǎ̤plǎdî̌ sîsǎphlǒ akhû̌akhî, he ju sî kû̌ shi. Bǎbǎkǎlè kòyò dǒ a ta̤pô̤ta̤phǎ shû̌sho khlo kû̌ he tôpwa̤nu a hè pě. A ju sî kû̌ Yôla Plò̌shǐ Běcǎ kû̌ mî̌ pě. He jocû̌ bǎ pwǎ a khò̌phě pwǎnu, he gwǎkû̌ a tô̤̌.

Kû tôbǎ ô̌ dǒ sǒ kòshî̌ dě kòyò gǔ gû̌gǎ lò̤khǔpo̤ sǒmṳ̌ tokhlǒ pě, dě kòyò gǔ cô̌tṳ̌yǎ tǒ̤dǒ akhò̌wǐ̤ pě. Sǒmṳ̌ tômṳ̌mṳ̌ dǒ asǎaphô wî̤ǎ tô̤̌nu, kòyò gû̌gǎ lò̤khǔpo̤ a pě dě kòyò wînṳ̌kè a dǒ mî̌kû pě.

A mî̌ kòyò dǒ piwi̤pèshè Khûyashǎya hî̌nǎ nutôpwa̤ awe̤akè kû̌, “Kòyò tôpwa̤ yî̤̌kǒhtò̌ dǒ gǎshashigǎ lǒ̤seměkhû̌ dě a hî̌ kû̌, ‘tîwî̌tòwò nǎ lô̌khô klè̌ dǒ Běcǎ aya. Ma̤cǒma̤nò̤ lô̌khô Běcǎ lǎ̤hèklè̌ aya tôbô nî̌꤮.’”