Beliebte Verse in Lǔka 8

Teilen

Ta̤khli lò̤te̤to hǎplǒhǎyî̌wî̤khû̌ amûasǎ mî̌ mî̌pwǎ kòyò htě a gana̤de Cǒmara ale̤ayo̤ dě a yṳǎ cǒtè̤ ta a to̤nṳphî̌nṳ nû̌û dě a sò̌phlǒkû, htohǒtò̤ a gana̤dewǒ Cǒmara yo̤ dě a khòsò̌do to̤htû̌ asǎhtò̌phohtò̌.

Ta̤khli lò̤te̤to dě ta̤shî̌shǒshî̌prûkla amûasǎ htǒonumî̌ mî̌pwǎ kòyò htě a gana̤de Cǒmara ale̤ayo̤ htǒotoǒnu hǒ. Pò̤̌ta, bǎ a ǒhtûpwa̤pe akhanu, ta̤bǎgubǎgè toǒ, ta̤dû̌yò̤htò̌sa toǒ ta asî mo̤ǐ ata̤sò̌yṳsò̌bǎ htǒotuhtu toǒ khè̌bǐbòkè bǎ asî pwǐ ta̤shî̌shǒshî̌prû khè̌bǐ nû̌û akhû̌akhî, asǎpwa̤ bò̌kû̌pe kò dǐkhò̌꤮ tò̤.

Ta̤khli lò̤te̤ lo̤kla amûasǎ numî̌ mî̌pwǎ kòyò htě a gana̤de Cǒmara ale̤ayo̤ toǒ dě a sò̌le̤sò̌lò̤ phî̌shǔ lǒkho pwǎ̤ta asǒsǒta ta̤khli htě akhò̌wi̤ yṳ̂lò̤yo̤tò̤nu. Asî yṳǎ lǒkhopwǎ teděsǎ pa. Dě bǎ ta̤htû̌sǒbǎ aphû̌mò̤ hèbǎ asî akhanu, a ta̤yṳta̤nǎ hǎmǎkè pwǎ.

Dě a hî̌ akhophijaû̌ toǒ, “Sî ta̤yṳta̤nǎ ǒ bǎtè?” Asî sû̌pi̤sò̌pi̤ lǒ̤bò, htohǒtò̤ asî ǐsha lǒkho dě a hî̌ kè̌khînû̌û, “A mî̌ kòyò hî̌tè tapwa̤tè? A sǎhtǎpwǎ gili̤ ta shipěpǒ gana̤de jòjò̌ nû̌ûyo̤yo̤.”

Ta̤khli htě a lò̤te̤ cû̌ klè̌lo̤ amûasǎ mî̌ mî̌pwǎ kòyò htě a gana̤de lǒkho Cǒmara ale̤ayo̤ pwǎ̤tadě khînǎmo̤pha hǐkǒdû̌ hèphî̌ tephekè Cǒmara ale̤ayo̤ dě asî sò̌phlǒkû. Htohǒtò̤ ma̤pûhǐ asî yṳǎ tò̤ ta asî nî̤bǎ ta̤htè̌ge tò̤nu dě khînǎmo̤pha hǐkǒdû̌ hèma̤ pwǎ hǐnu.

Ta̤pṳ̂̌꤮ tacǎ htě kò ma̤hǔ yǎ toǒnu, Cǒmara bè̌ǒlṳhtò̌ yǎ pě. Dě ta̤pṳ̂̌꤮ tacǎ htě kò ma̤bǐ yǎnu, Cǒmara ǐsî̌yahtò̌lṳ yǎ pě.

Htotaplǎdě mamǔ htǒotapwa̤ sî̌ya ta a ǒtûdûhǔjòpe tò̤ akhanu, a hègene̤û̌lò̤ gònò̤gèglè dě Ye̤shǔ lo̤mo̤. A cû̌hètè̌bǎ tǒ̤ Ye̤shǔ ma̤tènu, a pwe̤ǐlṳbò bǎ kò dě kòyò pṳ̂̌꤮ tapwa̤ a lo̤mo̤, htohǒtò̤ a pwe̤ǐlṳpo̤ bǎ kò ta a tè̌bǎhto nû̌û dě ata̤sha hǎmǎkè taplǎpa. Dě Ye̤shǔ hî̌ yǎ, “Phû̌mǔ꤮, na ta̤yṳ htǒonu, a ma̤bǎkè na ta̤shahǒ, gemo̤ gewǒtû̌ nî̌꤮.”

Akhophijaû̌ toǒ cû̌ htû̌wè̤ihtǒ nû̌û dě a hî̌ nû̌û, “Kǒ꤮ sara, kǒ꤮ sara, pa glè̌ lòcǔsibò hǒ.” Ye̤shǔ pe̤ihtǒ dě a sǎhtǎ gili̤sǎ ta shipěpǒ dě gili̤sǎ ǒkǔkè dě shiǒkǔ hè.