Beliebte Verse in Ruum 1

Teilen

Om auso koikum-ikumankupo papaaabar diti Abar do Aandai, do itino i ginirot do Kinoringan do momijau pointikid-tikid do tulun diri aparsaya, tumimpuun si tulun Joudi om ampa nogi i tulun di okonko bansa Joudi.

Do mantad diti Abar do Aandai pointalangon do Kinoringan do pakabanaron Disido i tongotulun. Nontodon nopo do pakabanaron do Kinoringan i tongotulun nga irino mantad di kaparsayaan diolo Disido do mantad di kotimpuunon gosob do koovion, irad di tinangaran do Kinoringan pointulis siri Kitab do, “Iri nopo tulun do otulid i ginavo sabap aparsaya isido do Kinoringan nga kivaro kovijaan do auso koovion,” ka.

Om ausono dii koontodon diolo do au monongkoilo Disido, sabap voruno nopo do Kinoringan iti vonuvo om norotijanno i gaagaya Disido di aupo naantangan. Om irino norotijan di tongotulun pasal kokinoringanoJo om kogojoo di kuasa Disido do auso gosob sabap nokoontong mantad diri nopimvaal Disido.

Insan kotutunpo iolo do Kinoringan nga aui mongurumat iolo Disido irad di kopotutan, om au iolo monorimakasi Disido. Nga iri sinoromo diolo om auso tantu-tantu, om ginavo diolo di obudu om pinotuvong.

sabap pinosuvoli diolo iri patung di ovudut diri Kinoringan di oinomod. Aandaian nogi iolo sumamba om mangarajou diri vinorun ko iri Minomorun, ombo bala iti do iri Minomorunno misti do rojoon gosob salaid-laid. Amin.

Nga navantangno do Kinoringan mantad suruga do araatan Isido kasangkat di tongotulun di araat om au maja di kouvangan Disido, do karaato nopo diolo nga mongobon di tulun koilo diri ponudukan do oinomod pasal do Kinoringan.

Om irino do pinobojou do Kinoringan iti tulun maja di kouvangan di ginavojo do araat di koikum-ikum. Jadi iri nopo tongokoonduan nga sinumondiang toro do au maja diri koubasan diolo, irino do au iolo uvang do kusai nga uvang di tongondu vokon. Om i tongokokusajan nga irad nogi dino do minangada diri koubasan diolo do uvang kumidudun di tongondu, nga makin nogi do mangkas i ginavo diolo do miuvang di kusai vokon gosob misumpori do mikaraja, om irino dii do inukuman do Kinoringan i kojuvan diolo do popitumbason di duso diolo. Sabap do au uvang iolo mongintutun do Kinoringan, irino do pinobojou Disido i sinoromo diolo di nogorovot gosob do soumur i gaagaya diolo do auso kaandaiai.

Mangakun daa iolo do apandai, ombo bala iti do obudui iolo. I Kinoringan di au moilo matai nono apatut daa do sambawon diolo, nga pinosuvoli diolo iri tongopatung pinosugut do tulun di moilo matai, om pinosugut do tombolog, om tongodupot do mampanau, tumungkaung om iri sumoloi do sambawon diolo.