Beliebte Verse in Susuuon 13

Teilen

Ontok di mogpuasa om mamaal iolo do karaja do Tuhan, om suuono dii iolo di Tatod Tolidang do, “Porijangopo i Banabas duvo di Soul maino do loovonKu iolo maja diri isuuKu diolo,” ka. Koopod nopo dii iolo i limo kojuvan do mogpuasa, om sumambayang, om kamawo nogi dii di tolu kojuvan i Banabas om i Soul supaya oilaan di tongotulun vokon do iolono tulun kipangkat. Om suuo nogi dii diolo i Banabas om i Soul mampanau.

Kosusuladanku, popoilo oku dikovu do inompunan do Kinoringan i duso tokou sabap i kinapatajan di Yisus. Irad nopo diri misti oilaan muju do isai-isai nopo aparsaya di Yisus nga koidu mantad do kasangkat di tongodusojo. Nga au tokou koidu mantad di duso tokou nong maja tokou di Undang-undang di Musa.

Do itino nisuu di Tuhan dagai do ka, ‘Monuu Oku dikovu mongoi siri di tongotulun di okonko bansa do Joudi do sumiliu kou irad di tanavau diolo. Om sumiliu kou irad di vajaan di kasangkat do tulun siti vonuvo supaya kaanu iolo kovijaan do auso koovion,’ kadi Tuhan,” kadi Poulus.