Beliebte Verse in Exodus 15

Teilen

Ia ne hai ange, “Noo goodou e kana ange e hagallongo muna a TAGI MAOLUNGA doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Go TAGI MAOLUNGA ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

TAGI MAOLUNGA, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Koe gu dagi de huaadangada aau gu hagaola i doo abodonu. Koe gu dagi gilaadeu i doo sauaa mmahi gi de mommee dabu oou e noho ai.

Gai de masavaa huu olaadeu ne tae ai gi Marah, gai gilaadeu tee maua i de unu vai i Marah, go hiidinga e mmala vai iai; deelaa ai, de mommee laa gu hagaingoo ange go Marah. Gai dangada ga nnanu i Moses, ga ssili ange, “Ni aha naa donu amaadeu e unu?” Gai Moses ne dalodalo ange gi TAGI MAOLUNGA, gai TAGI MAOLUNGA ga hagaago ange gi de ia dahi bido laagau. Gai ia ga maga ange de laagau laa gi lo te vai, gai vai laa gu danuaa i de unu. Gai TAGI MAOLUNGA ne gaavange gi gilaadeu mee gu hagasauaa ma de hainga i kilaa, gai ia ga hagatale dagodo o olaadeu lodo.