Beliebte Verse in मट्‌टि 16

Teilen

हाङ् येसुऎ उम् टिङ्‌खुबाचि लोसुचि, “आसा काम् टिङ्‌खुबा लिमा मिनुक्, खोसॆ टाङ्‌पान मिखॆॽमा लॆ हाङ् टाङ्‌पामि डुखामि कुरुसा खिनमानुङ् काङा टिङ्‌मा लॆ।

कॆ आना पाट्‌रुस (गसॆ लोमा यकुवॆ चाइ लुङ्‌कॽवा रेम) लोःॽना। कॆ काम् मान्‍डालि ग लुङ्‌कॽवा सक्‍पि हेब्‍कुङ। हाङ् नाराक्‍मि चॆक्‍मावाऎ आक्‍क हेचाहिसुनि।

कॆ आना पारुमि हाङ्‌डाम्‍मि चाबि पिःॽना। आनॆ माङ् इग बाखाटेम्‍पि हिगुकुना, म पारुबि सङ्‌क हिगु, हाङ् माङ् आनॆ बाखाटेम्‍पि हेम्‍पकुना, आक्‍क पारुबि सङ्‌क हेम्‍ब।”

मान्‍ठाभनॆ आसॆ टाङ्‌पामि हिङ्‌खामा हिङ्‌चामिॽमिकु, खोसॆ चाइबानऎ हिङ्‌खामा माइकु, टर आसॆ टाङ्‌पामि हिङ्‌खामा काम् लागि लुक्‍पिकु, खोसॆ चाइबानऎ हिङ्‌खाम टक्‍चाकु।

याॽमिऎ चोब्‍न बाखाटेम टाङ्‌पामि हुक्‍पि युङ्‌कु हाङ्‌स, टाङ्‌पामि चाइबानऎ हिङ्‌खामा माइटु हाङग खो माङ् नुऎ लिसॆ र? आठावा आक्‍कुबि आनाम् लावाबाङ् सङ्‌क ढ्‌या माल् चुऎ?

हाङ् येसुऎ आक्‍खाचि सिमुचि, “टर आन्‍नॆ चाइ काङा आसा लोङानिहा?” सिमोन लिॽमॆ पाट्‌रुसऎ खानावाँ ऎम्‍पिटु, “आना हिङ्‌चाखुबा निवाँहाङ्‌मि पासा खिरिस्‍ट ना।”

येसुऎ खो लोसु, “ओ योनामि पासा सिमोन, आना एट्‌टान आसिका टक्‍चामिम्‍पा याॽमिना। मान्‍ठाभनॆ इघा आनॆ याॽमिबाङ लेटम्‍पा हॆॽनॆ, टर पारुबिऎ काम् आपाऎ न वाप्‍मे निवाँ पिडॆ यो।