Beliebte Verse in Rom 3

Teilen

sa̱rei ba̱nyet ba a̱ nwa a̱ka̱tukyya a̱ si rat shii Ka̱za na. Ma rot a̱gba̱dang za̱nang Ka̱za nu a̱ ba̱ brak ba yet ba̱tsatsak a̱ta̱ssi nka, a̱zi san na Yesu Kristi na̱ ba̱ san a̱ kaai a̱ wwon ni.

Ryen na a̱yin na̱ nin yet a̱tsatsak a̱ta̱ssi Ka̱za ni nkpa yet na̱ wrak Yesu Kristi rya nu na. Ka yya a̱mi a̱zi koyan nu a̱ wrak Yesu rya nu na ni, rot ba̱nyet Yahuda na bu kpikpit nwap a bvwon ba

Ka̱za a̱ yin ku tun a̱ wrak na̱ ga kwu a̱ tssu a̱ka̱tukyya ba̱nyet u sa̱rei, ki ba ku ryi ndya mba na. Ka̱za a̱ yya a̱mi a̱ ga tyyei dizizrak nka ti. Nyyai ka a̱ yi yen kula ba̱ a̱ka̱tukyya ba̱nyet u ba, ma naanini wrak Yesu na di a̱truk mbang ni tyyei ka̱sak ka nu diccu nu na̱n yet a̱zizrak a̱ntyok shirya ni. A̱mi na̱n cii a̱yin nu a̱ wrak Yesu rya nu na ni.

Rot a̱yin a̱ ni yet a̱tsatsak a̱ta̱ssi Ka̱za di ho a̱ tssup Truwang ji ba. Truwang ji ni brang a̱yin, na̱ ga bvwo ka̱sak ka na̱n byyi a̱ka̱tukyya ni.

Da̱ni di ban jem Ba̱ryat Ka̱za ni, a̱ hywa: “A̱tsatsak a̱n shyi ba, ko a̱yring, a̱ntyok bvwo a̱n shyi ka̱yat mba ba, da̱ a̱yin na̱n shyi a̱ cat Ka̱za ba. Sa̱rei mba ba brak a̱ wwon Ka̱za, da̱ a̱ntyok byyi kpungtun na̱ bon shyi ka̱yat mba ba. A̱yin mba a̱n shyi a̱ yya-yya ntswa ba, ko a̱yring.

To, a̱ngbom kyang u zi ni hywa ni nkpa yet: ka̱ a̱yin a̱ ni yet a̱tsatsak a̱ta̱ssi Ka̱za, na̱ ka̱ ryi rya nu na ba di tssup Truwang ba.

Ko ba̱cincong. Ko ba̱nyet ba sa̱rei a̱ ni yet ba̱nyet dira, Ka̱za ka kok bu ka̱ryong. Da̱ni di ba̱ryat Ka̱za ban hywa ni, “Ka̱ram ka an dyat i, dolet koyan a̱ na̱ tyyi ka̱ryong; ki ba ma̱ na̱ tyyi an shirya, dolet ba bu shya a byyi ka̱ryong.”