Beliebte Verse in Filibi 2

Teilen

Yi ryok yya kyang bu swam ko yet diccu ba, seko koyan a̱ ya breng a̱ shyi ka̱nu nkyang ba, a̱ cyang ba̱yanyet ba ku ran. Koyan a̱ ryok tyyi bu diccu nu ba an kyang a na̱ cat i ba, seko yi yya nkyang a ni brang ba̱yaan ni.

Yi ryok a̱huhwa nyin nu a̱ yet ba̱ a̱yring ba̱ a̱nying Yesu Kristi nu

Na̱ yin yet bu kyang yring bu Ka̱za nyyai ndoson; nu na̱ kwan zwang ba rang bu Ka̱za ba, ma a̱ ya brak a̱n yya kyang ba, se a̱ wa ya brak a̱n yya a̱kwwa. A̱ brak a̱ tyyi a̱neywu da̱ njit i. Ka̱ram ka na̱n brak a̱ tyyi a̱neywu ni, a̱ ya breng na̱ yet kyang ba a̱ pfong Ka̱za har a̱ tyyi diccu nu i dikwu nssom dikwu tazwa ka̱teyang.

rot Ka̱za a̱mi a̱ yya pfong ka̱yat nyin kozan ka̱ram a̱ tyyi yi cat bu maai yya kyang a ka̱ myim ni.

Nkpa n byyi Ka̱za a̱n ku yrek a̱ nat i a̱gba̱dang ka̱bvwa dityok, a̱ ku ryi diyrek ti shyi tazwa kozan diyrek i, rot ka̱ram ka ban yei diyrek Yesu ni, sa̱rei kyang a byyi sso ni i ta̱gbok i ku sook ntong, di ba̱nyet shyi Tazwa, di ba̱nyet ka̱sa ba ni, di ba̱nyet ba a̱ shyi a̱yabyen ni. Kozan diryem a̱ ni tyyei ka̱sak ka Yesu Kristi a̱mi a̱ yet A̱gwam ni, a̱ bo dyep Ka̱za, A̱tyyi nu ka.

Kozan kyang yi ni yya yi ryok nkop a̱dyying ko yin za a̱cecet ba, yi gi yet ba̱nyet sang hywak i bu yet ba̱zizrak ba̱nyet da̱ni di ba̱tsatsak na̱won Ka̱za na a̱ swat bu ba̱nyet ka̱sa ba ndya mba na na ka̱n cyik bu a̱ka̱tukyya ni. Yi sai ka̱yat mba di na̱ta̱ngwat ka̱yat a̱ninyyan ni

Rot a̱mi ba̱wumbeyang nzuk, da̱ni yin tssup ba̱ryat nzuk ba ka̱ram ka n nin shyi ba̱ nyin ni, naanini n ni shyi ba̱ nyin ni ba ku myim yi tssup ba̱ryat nzuk ba ra̱u ka̱ram ka n ni shyi ba̱ nyin ni ma. Yi ya ka̱son bu yya pfong sucet nyin na di ka̱wun bu rwam ba̱trim