Beliebte Verse in Ibraniyawa 12

Teilen

To, da̱ni di a̱ssi ba̱nyet ba̱gingang nan shyi a njit ni, se zi yrik kozan kyang a shyi a̱zi ryen njit ka ni bu sa̱rei a̱ka̱tukyya nu a̱ za hwwok ni i tyong ncyi ji i shyi a̱ta̱ssi njit ni ba̱ a̱huhwa. Zi sak Yesu a̱ssi njit a, nu a̱mi a̱ yet ka̱bvwa ntyyi ndya njit ka, nyyai ka̱tsitsrang bu tat a̱ngbom u. A̱ yin gbung rya bu ka̱teyang na. A̱ cyang ba̱gwai ba a̱ ri bai diccu nu ni, rot a̱mi na̱ dam nsum dikwu ka̱teyang na ba, na̱ shyi naani mbvak yak Ka̱za i dityok nka ti.

Ka̱ram ka ba nan za nyep ni zi na hok dikwu ka̱ram iya, da̱ njit ba na hok ansham ba. Ma ki ka̱ram ka a̱ seyak, ba̱nyet ba ba nyep ni ba ni shya za̱nang myyi rya ba̱ a̱tsatsak sucet.

Yi swat ansham bu koyan i si bu cong a̱zizrak ka̱cyet, rot ka̱ a̱mi ba a̱yin a̱ ni maai ryi Ka̱za ba.

Yi hwa ansham i ryi ka̱sak ka̱ Yesu na̱n gbung rya a̱ sswa ka̱bvung a mbvak ba̱ka̱tuk ba̱nyet ba a̱ rak ku ryi ni; se yi ryok hok ka̱wai i rwan ba.

Se zi gwai dityok njit ti zi san ni rot ti yet tinying ti ba ni zun ni ba. Se zi dyep Ka̱za i ka̱ naai i ka̱ tyong i hok ka̱wun nka, ka̱sak ka ka nin hok ansham njit ni

Yi gbung rya i ka̱bvung ka yi sswa ni i bvwo A̱tyyi a̱mi a̱ ya nyep. Ka̱bvung nyin ka a̱ tyyei ka̱sak ka Ka̱za kan ya breng di na̱won nka ni. Ki ka̱won a̱n shyi a̱tyyi na̱ na wi nyep?

rot Ka̱za njit ka a̱ yet diryem ndong ti hwwi ni.

Ba̱tyyi njit ba a̱ na za nyep ka̱baram ba̱cincong i ryen na ba ryi ku ba̱ yet i, ma Ka̱za a̱ na za nyep a̱ ga za brang zi gin byyi bvak dizizrak nka ti.

Rot i ka̱yrak nyin ka ba̱ a̱ka̱tukyya yi ka̱n tat ka̱bvwa ka yi nin kwan har ka̱nu dikwu ni ba.